«Ատամացավ ունենալու համար նախ ատամ է պետք».Գուրգեն Եղիազարյան

ԱԱԾ պետի նախկին տեղակալ Գուրգեն Եղիազարյանի Fnews.am-ի հետ զրույցում անդրադառնալով ներկա քաղաքական գործընթացներին ու դրանից բխող հնարավոր հետեւանքներին, նկատեց. «Ատամացավ ունենալու համար նախ ատամ ունենալ է պետք» : Իսկ թե ի՞նչ է ենթատեքստ ունի պարոն Եղիազարյանի այս կարծիքը, փորձենք հասկանալ...

-Պարոն Եղիազարյան, ի՞նչ եք  կարծում, արդյո՞ք ներկա քաղաքական անթաքույց գործընթացները կարող են նոր բումի առիթ հանդիսանալ: Կլինեն արդյո՞ք կլանային նոր բախումներ:

-Նախ եւ առաջ ասեմ Ձեզ, որ քաղաքական վիճակը բավականին ծանր է: Այսօր ընդդիմության դիմաց ձևավորված իշխանություն չկա որպես այդպիսին: Իշխանությանը հաջողվեց վերացնել կարևոր վտանգը , բայց կա նոր վտանգ: Դա ՀՀԿ-ի թուլացումն է ներսից, իսկ  առաջին հերթին ՀՀԿ-ին քանդում է կրիմինալը: 

- Իսկ ի՞նչ կասեք ՀՀ տնտեսական վիճակի մասին :

- Ինչպիսին պետք է լինի մի երկրի վիճակը, որի նախորդ վարչապետի օրոք Հայաստանի ուսերին մնաց 3 մլրդ դոլլար վարկ և ոչ մի մասը չմարվեց: Մոտավորապես առաջիկա երկու տարիներին վիճակը դեռ չի նորմալանա, կնորմալանա այն դեպքում, երբ գոնե կզրոյանա, էլ չեմ ասում արդեն տնտեսական առաջընթաց կունենանք: 

-Այնպիսի տպավորություն է, որ կարծես թե Հովիկ Աբրահամյանի շահերն եք ուզում պաշտպանել: 

-Ոչ, բոլորովին, ես միայն գնահատական եմ տալիս նրանց գործունեությանը: Միայն ասեմ, որ մենք էլ պետք է նպաստենք երկրի տնտեսական վիճակի բարելավմանը ` չարտագաղթելով: Եթե երկրում լինեն աշխատատեղեր, տնտեսությունը կբարելավվի:

- Ի՞նչ եք անում Դուք մեր տնտեսության համար:

-Հայկական արտադրության ապրանքներն եմ գնում միայն , Դուք էլ գնեք : Ճիշտ է դա չնչին օգնություն է , բայց , այնուամենայնիվ, օգնություն է: 

Աննա Առաքելյան 

Հ. Գ Ի դեպ Գուրգեն Եղիազարյանի ներկա եւ նախորդ տեսակետների մեջ առանձնապես փոփոխություն չի նկատվում: Հատկապես վարչապետի հասցեին հնչող գնահատականի առումով եւ ոչ միայն: