Աղջկա հարցով գյուղամիջում քարերով ճակատ են ջարդել

Վերաքննիչ քրեական դատարանի վարույթում է Արարատ Կարապետյանի գործով բերված վերաքննիչ բողոքի քննությունը:

Գործը քննվել է Արագածոտնի մարզի ընդհանուր իրավասության դատարանում Սուրեն Մնոյանի նախագահությամբ:

22-ամյա Արարատը մեղավոր է ճանաչվել ու դատապարտվել տուժողի առողջությանը դիտավորությամբ ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Ըստ մեղադրանքի՝ 2015 թվականի մայիսի 26-ին, ժամը 21-ն անց 30-ի սահմաններում Արարատը գյուղամիջում տեսել է միմյանց հետ վիճաբանող համագյուղացի տղաների: Մոտեցել, միջամտել է, փորձել է դադարեցնել վիճաբանությունը: Բայց նա էլ է ներքաշվել կռվի մեջ:

Ընթացքում Արարատ Կարապետյանը քարով հարվածել է կռվողներից՝ Կարեն Մ.-ի գլխին, պատճառել է ճակատոսկրի ձախ կեսի կոտրվածքի, գլխուղեղի թեթև աստիճանի սալջարդի ձևով մարմնական վնասվածքներ՝ նրա առողջությանը հասցնելով ծանր վնաս:

Արարատ Կարապետյանն իրեն մեղավոր է ճանաչել մասնակիորեն: Նա չի ընդունել, որ տուժողին ծանր վնաս է հասցրել դիտավորությամբ:

Ամբաստանյալը հայտնել է, թե ավարտել է ֆիզկուլտինստիտուտը:

Դեպքի օրվա երեկոյան տաքսիով գյուղ էր վերադառնում, երբ գյուղի փողոցներից մեկում տեսել է, որ համագյուղացի երիտասարդները վիճում են:

Անմիջապես կանգնեցրել է տաքսին, իջել է, շտապել է հավաքվածների մոտ, որ վեճը դադարեցնի:

Իմացել է, որ տղաները վիճում են ինչ-որ աղջկա հարցով:

Սկզբում փորձել է նրանց խոսքերով հասկացնել, որ չկռվեն: Տեսնելով, որ տղաները չեն հանդարտվում, ինքն էլ է քաշքշել նրանց, հրել է տարբեր կողմեր՝ այդ կերպ է բաժանել:

Այդ ընթացքում սկսել են հայհոյել ու հարվածներ հասցնել նաև իրեն: Հարվածողների մեջ է եղել նաև տուժող Կարենը:

Ինքը հետ-հետ է գնացել, ընկել է տուֆ քարերով պատված ավազակույտի վրա:

Հարվածներից ու հայհոյանքներից զայրացած, ինչպես նաև պաշտպանվելու նկատառումով՝ ձախ ձեռքով առանց տեսնելու ավազակույտից մի բուռ ավազ է վերցրել, որի մեջ նաև քար է եղել: Ոտքի է կանգնել, ձախ ձեռքում եղած ավազով ու քարով հարվածել է այդ պահին իր դիմաց հայտնված տղային

մանրամասն՝1in.am-ում