Ախր գյուղացին էլ ա ուզում լոլիկով հարստանալու կայֆը զգա…պարո'ն վարչապետ

Գաղտնիք չէ, որ Հայաստանի տնտեսության համար ռազմավարական նշանակություն ունի Արարատյան դաշտավայրի ջրային պաշարների գոյությունը: Տարիներ շարունակ այդ պաշարները ծառայել են հատկապես երկու նպատակի՝ գյուղատնտեսությամբ զբաղվելու արդյունավետ պայմանների ստեղծմանը, ոռոգման համակարգին, և կենցաղում օգտագործելուն:
Ինչպես ամեն տարի այս տարի նույնպես, ոռոգման սեզոնի ամենապատասխանատու պահին՝ Արարատի մարզի մի շարք համայնքներում գյուղացին կանգնել է լրջագույն փաստի առաջ:
Արարատի մարզում գրեթե յուրաքանչյուր գյուղ մտնելիս, գյուղացիները միանգամից մատնացույց են անում իրենց արտերն ու բողոքում, որ դրանք ջրի բացակայության պատճառով ամբողջովին անապատացման եզրին են կանգնած:
Վրդովված գյուղացիները Fnews.am-ի հետ զրույցում պնդեցին, որ շատերը հրաժարվել են հող մշակելուց և լքել են երկիրը, քանի որ ստեղծված իրավիճակի պատճառով չեն կարողանում գյուղատնտեսությամբ զբաղվել, ու ընտանիք պահել: Նրանք հավաստիացրեցին, որ իրենք բազմիցս են դիմել մարզպետարան, գյուղապետարան, կառավարություն, բայց դրանից ոչ մի օգուտ չեն  քաղել, քանի որ սայլը տեղից այդպես էլ չի շարժվել:
Գյուղացիների խոսքով, ով ոնց ուզում է այնպես էլ վարվում ու աշխատում է: Իսկ իրենց աչքն էլ ողջ տարին ջուր է կտրում…

«Չգիտես ինչու եւ ում պատճառով այսօր գյուղացին կանգնած է աղետի ու լուրջ փաստի առաջ»,-մեզ հետ զրույցում իր դժգոհությունը հայտնեց «Նոր Կյանք» համայնքի տարեցներից մեկը, ով ցավով նշեց, որ ոռոգման ջրի բացակայության պատճառով մարդիկ կորցնում են իրենց բերքն  ու բարքիը:

Շարունակելով ներկայացնել Արարատյան դաշտավայրում առկա ոռոգման ջրի խնդիրները, զրուցակիցս իր խոսքում նշեց, որ երբ իրենք դժգոհում են ջրի խնդրից, ՋՕԸ-ի պետը իրենց պատասախանում է, որ իրան տենց են ասել... «Ասում են փողը նաղդ տվեք՝ կտանք: Կարող ա էս իրիգունը գան, ինձ տանեն: Ընգնեն իմ հետեւից: Ես վախենում եմ. դրա համար մի նկարի, բայց կխոսամ.(ձայնագրիչի առաջ ) ջուրը մի օր մի թեւն են տալիս, մյուս օրը՝ մյուս թեւը: Էտի արդեն լավ գիտես: Հիմա ես իշխող ուժն եմ. գնում եմ ՝էն թեւինը կտրում եմ, ֆսյո, էն թեւը մնաց ծարավ: Կեսօրից հետո էն թեը ջուր կխմի, չի խմի՝ Աստված գիտի:

Հարցին թե ի՞նչն է պատճառը, որ գյուղացին անընդհատ բախվում է այդ նույն խնդրի հետ, զրուցակիցս ընդգծեց. «էլի կառավարությունն ա մեղավոր. ջուրը ծախում են: Ում արտերը շատ են, մեծ են՝ նրանց: Դե մարդիկ վախենում են խոսան, հասկանում ե՞ք: «Մեր գյուղը շատ լավ ա, գերազանց ա, անելու ոչինչ չկա: Ջուր կա, ամեն ինչ կա, բայց հիմա մեր ջուրը կարեւորը չի գալիս»: Իսկ էն մարդիկ ովքեր այգիներ ունեն չեն կարողանում ջրել: Համարյա ոնց ասեմ. կալանավորին որ գոյություն են պահպանում ուշքից չեթա, այ էդ ձեւի էլ ստեղ ա : Ջուրը չեն տալիս. ասում են փողերը տվեք՝ տանք:  Էն որ ասում են մարդը մեռնում ա, նոր ջուր են տալիս՝ էդ ա: Բայց էդ մեռնողն էլ կսաաղանա՞»-իր զայրույթը չթաքցնելով ասաց գյուղի ամենահամարաձակ բնակիչը:

Նույն գյուղի տարեցներից մեկն էլ՝ Ն. Օհանյանը նշեց, որ. «Գրամմ ջուր չկա: Շոգը տվել ա, պամիդորը լխկել ա: Ջուր չկա, որ ջրեմ՝ պաժալուստա: Էդ ջրի գումարը կիդանք, բայց մեզի ջուր չիդա: Ես մեծ մարդ եմ.ոչ կաշխատեմ, ոչ բան, ջուրս տան հողս ջրեմ, բա ես իմա՞լ անեմ: Տեր չկա, անտերություն ա: Ջուրը վերեւից կկտրեն: Վինը կասեն՝ կասեն էս մարդու ջուրն ա, մկա կեթաս բողոքես՝ կգան: Ժողովուրդը մեկ տարուց հետո, տան մեջ մեռելը չեն կարա թաղեն քուր ջան: Ջուր չկա գրամմ: Ասում ա փողը տուր՝ կտամ: Բայց թող ջուր տա, հողս ջրեմ, որ իրա փողը տամ»:

Բա հետո էլ ասում եք գյուղի ու գյուղացու կողքին ե՞ք կանգնած. Աստծու օրը օրհնում եք, որ գյուղացին առատ բերք ու բաիրք ստանա ու կարողանա իր հանապազաօրյա հացը վաստակել, ու ստացվում է, որ ձեր օրհնանքը այդպես էլ տեղ չի՞ հասնում...

Հիմա ի՞նչ. ո՞ւմ արտերը ջրելու  հաշվին եք  էս մարդկանց հա՛մ հացը  կտրում, հա՛մ ջուրը, ու հետո էլ գոռում-գոչում եք թե. կաթի ու պանրի յուղայնության վրա տնտեսական աճ ու ցուցանիշ եք «բռնացրել»...
Վերջապես կգա՞ մի օր, երբ հայրենի կառավարությունը կապացուցի, որ իր խոսքը գործ է:
Թե՞ Արարատի մարզի սվոյ ֆերմերներն ու ձկնաբուծարանների անհայտ տերերը  , առաջնահերթ իրենց  պնդաճակատ ձկներին պետք կերակրեն, հետո նոր ջուրը «նաղդով» ծախեն  գյուղացու վրա, որ հանկարծ իրենց կողմնակի  եկամուտները  չպակասեն:

Հ. Գ Ստացվում է գյուղացուն այլեւս հայրնեի կառավարությունը  չի՞ վստահում. վախենում է, որ չարքաշ կյանքով ապրող գյուղացին կարող է իրենց քցել ու փախնե՞լ...
Ախր գյուղացին էլ ա ուզում լոլիկով հարստանալու կայֆը զգա…պարո'ն վարչապետ:

Մի խոսքով, «ուտրոմ-դենգի, վեչերոմ -ստուլյա»...Սա է գյուղացուն առաջարկվող բանաձեւը, ինչը   տվյալ դեպքում զավեշտի ու անհնարինի ժանրից է: 

Շարունակելի...