Այգեստանում հարկերը հավաքագրելիս քրեկան գործ են հարուցում

Նորանշանակ ՀՀ վարչապետ Կարեն Կարապետյանը կադրերի կրճատման միջոցով փորձում է բյուջեի մուտքերն ավելացնել, արտոնյալ հարկատուներին էլ փորձել բերել բաց հարկման դաշտ: Մասնավորապես՝ որոշ ֆերմերներ գյուղնախարարությանը պարարտանյութերի ու դիզվառելիքի 4-5 տարվա պարտք ունեն: Այդ մասին նոյեմբերի 2-ին Ազգային Ժողովում ասաց գյուղատնտեսության նախարար Իգնատի Առաքելյանը՝ 2017 թ. բյուջեի նախագիծը հանձնաժողովներում քննարկելու ժամանակ:

Հիմա նախարարությունը դիմել է ՏԻՄ-երին՝ խնդրելով տրամադրել պարտապանների տուն առ տուն ցուցակները: Որոշ դեպքերում նախարարությունն արդեն դիմել է դատարան:
Ոլորտային շատ խնդիրների դեռեւս խորապես չի ծանոթացել նորանշանակ նախարարը, այդ են վկայում տեղական լոլիկի արտահանման ծավալների, Արագածոտնի մարզի մի խումբ բնակիչների կողմից հողի հարկի զիջման մասով խորհրդարանում բարձրացրած հարցերին:Իսկ 2015 թվականից գյուղացիներին խաղողի մթերման պարտքերի հետ կապված՝ նախարարը պատասխանեց, որ մինչեւ տարվա վերջ կլուծվի խնդիրը:Այդ դեպքում գյուղացիները ի՞նչպես են վճարելու հարկերն ու տույժ տուգանքները երբ մթերած ապրանքի գումարները գործարանատերերը չեն վճարում տարիներով:
«Չեմ կարող ասել՝ ինչքանով են այդ պարտքերը վերադարձելի: Տեսնում ես որ մարդ կա՝ էլ բան չկա նրանից վերցնելու: Ընթացքում կտեսնենք՝ որ ֆերմերն ինչքան է պատրաստ վճարել: Ըստ այդմ կշարժվենք: Բայց եթե ինքը մեզ պարտք է ու նորից է դիմել, երեւի էլ չենք տա», - նշեց նախարարը:
Այս ֆոնին Արարատի մարզի Այգեստան համայնքի ղեկավարի շուրջ աղմուկ է հասունացել: Ըստ գյուղապետ՝Սոկրատ Հովսեփյանի մի քանի այգեստանցիների կեղծ հաղորդագրության հիման վրա ՀՀ ոստիկանության 6-րդ վարչությունը եւ ՀՀ քննչական կոմիտեն խառնվել են իրենց համայնքապետարանի գործերին եւ առգրավել են համայնքապետարանի 8 տավա բոլոր փաստաթղթերը:
Վերընտրված գյուղապետի խոսքերով՝ ամբողջ խնդիրը կապված է տեղական հարկերի հավաքագրման հետ: Շուրջ 100 այգեստանցիների տարիներով կուտակված գույքահարկի եւ հողահարկի պարտքերի մասով գյուղապետը դիմել է դատարան, որի արդյունքում առաջացել է լարվածություն, բացի այդ վերջին ՏԻՄ ղեկավարի ընտրություններին պարտված թեկնածու՝ Հակոբ Հասրաթյանը հարկերից խուսափող գյուղացիներին նենգաբար ուղղորդում է գյուղապետի դեմ :Գյուղապետը շարունակեց այն միտքը, որ կառավարությունը հրահանգում է թե հարկահավաքման գործիքակազմը խստացրեք, սակայն գյուղական համայնքներում այն դառնում է իրական խնդիր, եւ պարոն Հովսեփյանը մեջբերեց իրենց համագյուղացի մեկ այլ պաշտոնյաի՝ Արարատի մարզի ՀՀ դատախազության աշխատակից Արմեն Կարապետյանի եւ նրա հոր՝ նախկին դատախազ Գրիշա Կարապետյանի եւ վերջինիս մոր ՝ Մարգուշ Հեքիմյանի անուններով գրանցված հողի հարկերը, ովքեր նույնպես խուսափել են վճարել, մինչեւ գյուղապետի սպառնալիքը , որ կդիմի Ա.Կարապետյանի աշխատանքի վայր նրա վարքագծի առնչությամբ խնդիր կդառնա: Արդյունքում վերջիններս մուծել են 420.000 դրամ հողի հարկի մայր գումարը, եւ տույժ-տուգանքի մասով էլ պարտք մնացել շուրջ 150.000 դրամ: «Ես փաստեր ունեմ, որ դատախազության աշխատակից պարոն Ա.Կարապետյանը , նախորդող դեպքերի հետ կապված ինքն էլ իր հերթին է գյուղացիներին տրամադրում իմ դեմ» ,- ասաց գյուղապետը: «Ինձ զրպարտող գյուղացիներին բոլորին օգնել եմ:Հասրաթյան Արշակի ընտանիքը 20 տարի (տաշտի) մեջ է լողացել իմ օգնությամբ արդեն լողարան ունի, նրա եղբոր որդուն դրամական օգնություն եմ տրամադրել : Իսկ երբ Ա. Հասրաթյանին հարցրեցի բա ի՞նչու ես իմ դեմ բողոքի տակ ստորագրել, նա ասաց.- «բա դու իմ գործը ուղարկել ես դատարան»: Մյուսը՝ Հարություն Ավագյանն է,ով 8 տարվա ավագանու անդամ է, ինձ դիմեց կնոջ համար 20 տարվա աշխատանքային ստաժի գրանցման հարցով, որին բնականբար մերժեցի, քանի որ կինը երբեւէ չի աշխատել, հաջորդ օրը ավագանու անդամի հրաժարականի դիմում ներկայացրեց:Ի դեպ համագյուղացիներ՝ Ավետիք Մինասյան, Ֆիրդուսը, Սամվելը Ալեքսանյան ում անունները ինձ հայտնի են բոլորն էլ զրպարտում են ինձ ,փաստեր չունեն բացառությամբ այն դրդապատճառը, որ վերջիններից տեղական հարկերն եմ հավաքում գյուղապետի օրենքով սահմանված լիազորությունների շրջանակներում»,-ասաց գյուղապետ Հովսեփյանը: Վերջում պարոն Ս. Հովսեփյանն ասաց, որ ինքը չի վստահում Արարատի մարզի դատախազության անաչառությանը համագյուղացի Ա. Կարապետյանի գործոնով պայմանվորված եւ ինքնաբացարկ է հայտնել, որպեսզի քննության ընթացքը շարունակեն մեկ այլ շրջանում:

Կ. Սարգսյան