Այգու հարյուր տոկոսանոց բաժնետերը «Զախարով Կնյազն է»՞...

Comment

Չէ,խոսքը բնավ արգո-հարգարժան-անգնահատելի-պատվարժան Արգամիչի մասին չէ:Խոսքը Հայաստանի հակաստվերային քաղաքամայր Մխչյան գյուղի կենդանաբանական ախմախ այգու մասին է:Եվ խնդրեմ, կենդանաբանական այգին որոշ ախմախիկներ կապում են հարգարժան վարչապետի մերձավորների հետ:Փաստը ստույգ է:Անստույգ սակայն այգու սեփականատիրոջ իսկությունը:Ոմանք ասում են, թե նա Արգամիչի երկնագույն այգեպանի վարդագույն խորհրդականն է,ոմանք էլ պնդում են, որ գազանանոցատերը ոչ այլ ոք է, եթե ոչ ծպտված Րաֆֆին:

Անկեղծ ասած ամենահավանակը, երրորդ տարբերակն է,որը հուշում է որ նշյալ այգու 100%-ոց սեփականատերը պատվելի Զախարով Կնյազն է, իսկ տնօրենն է` «ՎՊ-ի գերգաղտնի գործակալներից մեկը»:Ես հավատացի,դուք էլ կարծես դեմ չեք,և ահա թե ինչու:Կնյազի, Մայիսյան զկրտոցներից հետո նրա վերահսկիչ գլխում մի երջանկահիշատակ միտք առկայծեց,քանի որ տիար Արգամիչը պատերազմ է հայտարարել ՀՀ բոլոր սոցիալական խավերին:Սակայն այստեղ մի լուրջ անախորժություն կա:Չէ ո՞ր օլիգոպոլիկ խաղերում Արգամիչի ախորժակը չի զիջել որևէ մեկի ախորժակին,մասնավորապես ում հայտնի չէ որ Սևանը ցամաքում է հենց նրա զարմանալի ձկնասիրության պատճառով,գուցե հենց սա է սիգակեր Կնյազի հետ սերտ եղբայրության պատճառը:Մի խոսքով նրա հոխորտանքը` ստվերը սատկացնելու մասին`7777 անկեղծ ներողություն,շատ նման է վաստաշատ թամադայի պահվածքին, ով վերջում քավոր է դառնում առնվազն օլիգարխներից մեկին: Վերադառնանք Մխչյանի գազանանոց:
Երբ Արգամիչը խորը քնի մեջ առյուծի ահարկու մռնչոց է լսում,կոփվում է հոգեպես,քանզի նախապես կռահում է,թե ինչ ահարկու մռնչոց կարձակի ԽՆԱՄԻՆ,եթե ինքը հանկարծ փորձի նրա լեռնացած ստվերները լուսավորել:Կամ թեկուզ այսպես,նա երազում փայտփորիկի հետ սուրճ է ըմպում,վերջինս էլ գլուխ է տանում իր անհամ-անհաշվելի թխթխկոցներով: Միթե պարզ չէ որ մյուս առավոտ Արգո վարչապետը դաժան պայքար պիտի մղի (ՀՀօրենքների ողջ խստությամբ և սահմանադրական կարգի անլուրջ խախտումներով): Այնպես որ անհոգ եղեք և թյուր մեկնաբանություններին ականջ մի դրեք, Մխչյանի կենդանաբանական այգին համապետական նշանակության օբյեկտ է:
Ռեպորտաժը Մխչյանի գազանանոցից`

Վռամշապուհ Սեթյան