Այս ճանապարհը Ձեզ կտանի ձեր խնամու հետեւից...

Քաղաքական մեկնաբան Մենուա Հարությունյանը իր ֆեյսբուքյան էջում գրել է.

Հարգելի' պարոն վարչապետ, ամեն անգամ, երբ առանց որևէ վիրավորական խոսքի քննադատում եմ Ձեր այս կամ այն որոշումը կամ քայլը, ֆեյսբուքում հայտնվում են ֆեյքեր և երիտասարդներ, ովքեր հիմնականում տնտեսագիտական համալսարանի ուսանողներ են, որի գիտական խոհրդի նախագահը Դուք եք և որոնց պատերին հիմնականում Ձեզ գովաբանող նյութեր են (չեմ ուզում հավատալ, որ Դուք եք հրահանգել Ձեր գլխավորած ԲՈՒՀ-ի ուսանողներին սովորելու փոխարեն զբաղվել Ձեր PR-ով կամ Ձեր պաշտպանությամբ) , ովքեր անձնական վիրավորանքներ և ոչ հարգալից պահվածք են ցուցաբերում իմ անձի նկատմամբ: Վստահ եմ՝ այդ երիտասարդներից շատ շատերի ընտանիքները Ձեր վարչապետության օրոք չեն սկսել ավելի լավ ապրել և այդ երիտասարդները հիացած չեն Ձեր վարչապետությամբ, այլ ինչ-ինչ պատճառներով պաշտպանում են Ձեզ: Նման անհանդուրժող վերաբերմունք ֆեյսբուքում ուներ նաև Ձեր խնամի Գագիկ Ծառուկյանը, ով հեռացավ քաղաքականությունից նաև անհանդուրժողականություն տարածելու պատճառով: Ցավում եմ, որ խոսքի ազատության մասին Ձեր ունեցած պատկերացումներն այսպիսին են և նման կերպ եք արձագանքում Ձեզ քննադատողներին: Այս ճանապարհը Ձեզ կտանի Ձեր խնամու հետևից...

Խոսքս ուղղում եմ նաև այն երիտասարդներին, ովքեր վարչապետին դուր գալու կամ մի քանի կոպեկի համար վիրավորում են ինձ: Հարգելի՛ երիտասարդներ, ինձ այս քաղաքում շատ շատերն են ճանաչում և ինձ ճանաչողները գիտեն, որ ես արժանապատվություն, սկզբունքներ և մեծ ընկերություն ունեցող տղա եմ: Եթե Ձեր մեջ կգտնվի մեկը, ով հանրային հարթակից դուրս կցանկանա հանդիպել և իր մեղադրանքներն իմ առջև ներկայացնի, պատրաստ եմ, բայց հանրային հարթակում վիրավորել ինձ, համարում եմ թուլամորթություն և անբարոյականություն: Քննադատեք որքան կուզեք, բայց մի վիրավորեք, դա վայել չէ տղամարդուն: Ցավում եմ, որ սովորելու փոխարեն, Ձեր ժամանակը տրամադրում եք վարչապետին քննադատություններից պաշտանելու համար: