Բա Արմավիրի մարզպետը կարող ա՞ «պարաշուտով կատերի» հետ բռնոցի չխաղա...

Շրջանառվող լուրերի համաձայն, բոլորովին վերջերս, ՀՀԿ-ական մի շրջանակում, բավականին անհարմար իրադրության մեջ է ընկել ՀՀԿ-ական մարզպետ Աշոտ Ղահրամանյանը: Վերին էշելոնի ներկայացուցիչներից մեկը շատ ուղիղ տեքստով նախկին ոստիկանին ասել է, որ Արմավիրի մարզային աշխատանքների արդյունավետությունը գնալով զրոյանում է: Այն պատճառով, որ մարզի բնակիչներից շատերի համոզմամբ, մարզպետարանը անտարբերություն է ցուցաբերում մարզի հիմնախնդիրների նկատմամբ, չհաշված ներքին անհամախմբվածությունը, ինչը հետագայում կարող է լուրջ խնդիրների պատճառ դառնալ:

Ասում են, Ղահրամանյանը ամեն կերպ փորձել է շրջանցել բռնկված խոսակցությունը, սակայն թեման էլ ավելի է շիկացրել ՀՀԿ-ական քաղաքապետերից մեկը, ով իբրեւ թե միամտաբար ասել է, որ Ղահրամանյանը դեռ իր արտերկրյա հանգիստը նորմալ չվայելած ` լծվել է ծանր գործի մեջ: Սակայն Արմավիրի մարզի մեծն չինովնիկի արադարացումներին ի պատասխան, միեւնույնն է, առարկություններ ներկայացրած բարձրաստիճան պաշտոնյան վերջինիս զգուշացրել է վերջապես ուշքի գալ եւ անցնել բուռն գործունեւության, հավելելով, որ հիմա ոչ թե անձնական հաճույքների, այլ կոնկրետ գործ անելու ժամանկներն են:

Դե լավ է, որ այդքան տարի տեղում դոփելուց, ու համայնքային բյուջեն «զոռով-շառով» հավաքագրելուց հետո, փորձում են գլխի ընկնել, որ սույն մարզային իշխանիկը պարապ տեղը նստելուց, ուտել-խմելուց ու բուրժուական «կայֆեր» անելուց հետո պետք է նաեւ աշխատի: Սենց էլ մնա, լավ ա... իսկ ինչ մնում է բուրժուական «կայֆերին», ապա Ղահրամանյանը այդ ամենից հրաժարվողը չէ. նա շարունակում է իր հանգիստը վայելել այն կղզյակներում ու հանգստյան տներում, որտեղ իշխանիկի սիրտը քաշում է: Ի դեպ, մեր ունեցած տեղեկություններով բոլորովին վերջերս էլ, Ղահրամանյանը քեֆ էր քաշում  Սոչիի էլիտար  եւ թանկարժեք  հանգստյան գոտիներից մեկում `«Горный воздух»  հանգստյան  գոտում,ուր ոտք դնելը իրականում ամեն մեկի խելքի բանը չէ: Տեսնես, ի՞նչ միջոցներով էր նախկին ոստիկանը վայելում իր հանգիստը:

Բա Արմավիրի մարզպետը կարող ա՞  «պարաշուտով կատերի հետ բռնոցի չխաղա»...

Տաթեւիկ  Աբրահամյան