ԲԱ «ԲԵՆԹԼԻ ՍԱՄՈՅԻՆ» Ո՞Վ Ա ՓԻԼՈՆԱԶՈՒՐԿ ԱՆԵԼՈՒ

Բուռն քննարկումների կիզակետում շարունակում է մնալ ԱԺ մարդու իրավունքների պաշտպանության եւ հանրային հարցերի մշտական հանձնաժողովի կազմակերպած լսումների ժամանակ խորհրդարանի ամբիոնից տրանսգենդեր Լիլիթի ելույթը, որը, գաղտնիք չէ, թե դժգոհության ինչպիսի ալիք բարձրացրեց հանրության շրջանում:

Հայտնի է նաեւ, որ Արարատյան Հայրապետական թեմի առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի տնօրինությամբ փիլոնազուրկ հռչակվեց Բյուրավանի Ս. Գրիգոր Լուսավորիչ եկեղեցու հոգեւոր հովիվ Տ. Ղազար քահանա Պետրոսյանին, ով օրերս կազմակերպված բողոքի ցույցի ակտիվ մասնակիցներից էր:
Տեր Ղազարը, փիլոնազուրկ է հռչակվել մինչև Ավագ Շաբաթ, և գտնվում է ԱՀԹ Արարատի մարզի հոգևոր տեսուչ Գերաշնորհ Տ. Գևորգ եպիսկոպոս Սարոյանի հսկողության ներքո:

Իհարկե չենք ժխտում, որ Տեր Ղազարը առավել զգայական դաշտում է բարձրացրել իր բողոքի ձայնը, եւ էմոցիոնալ ֆոնի վրա է ընդվզել.(թեկուզ եւ իր հայտարարություններում), բայց արի ու տես, թե ով է հայ առաքելական եկեղեցու ճգնավորին փիլոնազուրկ անողը…
Բոլոր ժամանակների «գրոհային» Կճոյանը, սգեմավոր մի հոգեւորական, ում անունն անցնում էր տարատեսակ մութ պատմությունների ու աղմկահարույց սկանդալների միջով:
Այդ նույն Բենթլի Սամոն էր՝ (նույն ինքը Կճոյանը), ում անունը հոլովվում էր. ՀՀ նախկին վարչապետ Տիգրան Սարգսյանի հետ միասին, գործարար Փայլակ Հայրապետյանին ունեզրկելու եւ օֆշորներում ընկերություն հիմնելու մեջ:
Նույն Կճոյանն էր, ով ձեռք բերեց «Բենթլի Սամո»՝ մականունը, հոգևորականին իր շքեղությամբ ոչ հարիր «Բենթլի» մակնիշի մեքենա վարելու համար։
Եւ ահա այսօր, Տեր Ղազարին փիլոնազուրկ անողը, հանրային դաշտում դարձել է կարծես ակնառու դերակատար. Կճոյանն այժմ ժամանակի հերոս է, երևույթ, ու տիպական կերպար, ում անունը երեւի շուտով ոսկե տառերով կգրվի՝ Տեր Ղազարի դեմ տարած «ջախջախիչ հաղթանակի» համար:

Եւ գիտեք ինչու է այդպես. որովհետեւ ինչեր ասես, որ չի տեսել ու հաղթահարել երեկվա Սամվելը, որ արդեն մաքրամաքուր Կճոյան է, ու նախանձախնդիր հոգեւորական…

Կճոյանի աննախադեպ թռիչքը թերեւս անհասկանալի կմնար, եթե շրջանցեինք նրա անվան հետ կապված մի քանի ուշագրավ դրվագներ. օրինակ 1995 թվականին ՀՀ Ազգային անվտանգության նախարար Սերժ Սարգսյանը մի գործակալական ահազանգի հիման վրա խուզարկել էր Նավասարդ Կճոյանի՝ Աշտարակում գտնվող տունը եւ հայտնաբերել չորս ատրճանակ, որից հետո ձերբակալել էր եպիսկոպոսին եւ երկու օր պահել կալանքի տակ։ Այնուհետեւ Կճոյանն ազատ էր արձակվել Ամենայն Հայոց կաթողիկոս Գարեգին Ա-ի միջնորդությամբ։
Եւ զարմանալի է, որ զենքերի սիրահար սքեմավորը, այժմ էլ շարունակում է հոգեւոր դասի գլխավոր խաղացողը մնալ. երբ հարց է, թե Կճոյանի հին ու նոր գործերը զննելիս, արդյո՞ք նրան երկարատեւ փիլոնազուրկ անելու խնդիր չի առաջանա:

Ստացվում է, անցյալի հասարակական ընդվզումները, բողոքն ու զայրույթը, ինչ վերաբերում էր Կճոյանին՝ «պլստում-մնում » է անցյալում…
Ժամանակին Տիգրան Սարգսյանի կողմից անվանական զենքով պարգեւատրված Բենթլի Սամոն այլեւս սրբության սրբոց է:
Հիշեցնենք, որ նա և միայն նա էր, որ իրավունք էր վաստակել օրհնելու Հանրապետական կուսակցության բոլոր միջոցառումները, քարոզարշավները, համագումարները, իշխանության հետ սերտաճած «Նիգ-Ապարան» հայրենակցական միության հավաքները, եւ
կարծես թե նույնքան փառահեղ օրեր Կճոյանին սպասվում է նաեւ հիմա:

Ու թերեւս այդպես կլինի այնքան ժամանակ, քանի դեռ չունենք այն հարցի պատասխանը. թե քրեաօլիգարխիկ կլանի հետ «ախպերություն »
անողի համբավ ունեցող Կճոյանի ԶԵՆՔԸ ՀԱՎԱ՞ՏՆ Է, ԹԵ՞ այնուամենայնիվ ԱՏՐՃԱՆԱԿԸ...

ՅՈ ՅԵՐԹԱՍ՝ ՍԱՄՈ՚՚

Գայանե   Զարգարյան