Բացահայտեցին Երևանի կենտրոնում տեղի ունեցած 57-ամյա տղամարդու սպանությունը

Այսօր՝ հունվարի 21-ին, ոստիկանության Երևան քաղաքի վարչության /վարչության պետ, ոստիկանության գնդապետ Սարգիս Մարտիրոսյան/, նույն վարչության քրեական հետախուզության բաժնի /բաժնի պետ Գարիկ Ղուկասյան/ քրեական հետախուզության բաժնի, ոստիկանության Կենտրոնական բաժնի /բաժնի պետ Արամ Հովհաննիսյան/ և Հայաստանի քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժնի քննիչները /բաժնի պետ Վիգեն Մեսրոպյան/ ժամերի ընթացքում բացահայտեցին երեկ՝ հունվարի 20-ին, Երևանի Թումանյան 37 շենքի բնակարան 8-ում 57-ամյա Արմեն Սուրմենլենյանի սպանությունը։

Ինչպես հայտնում է ֆոտոլրագրող Գագիկ Շամշյանը, նշված սպանությունը կատարելու կասկածանքով ոստիկանության Կենտրոնական բաժին է բերման ենթարկվել նշված տան բնակիչ, 57-ամյա Հայկ Սուքիասյանը, ով սկզբից ոստիկաններին ու քննիչներին հայտնել է, թե իբրև սպանվածն է իրեն վնասել, ապա տեսնելով, որ իրավապահներն ունեն անհրաժեշտ ապացույցներ, հայտարարել է, թե իբրև ինքը ձեռքով է հարվածել, իսկ երբ ոստիկաններն ու քննիչները նրա բնակարանի պատշգամբում նրա կողմից թաքցրած վայրում հայտնաբերել են դանակ, որի վրա եղել են արյան հետքեր, այլ ելք չունենալով՝ խոստովանել է, որ ինքն է սպանությունը կատարել։

Գ. Շամշյանի տեղեկություններով՝ Հ. Սուքիասյանը չի աշխատում, իսկ սպանված Ա. Սուրմենլենյանն ամուրի էր և բնակվում էր Սարյան փողոցի 1-ին շենքի 20 բնակարանում։ Փաստի առթիվ Հայաստանի քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժնի պետ Վ. Մեսրոպյանի կողմից ստեղծված քննչական խմբում ներգրավված հատկապես կարևոր գործերով ավագ քննիչ Գոռ Ավագյանի որոշմամբ Հ. Սուքիասյանը ձերբակալվել է, իսկ հայտնաբերված դանակն առգրավվել է։ Նշանակվել են մի շարք փորձաքննություններ, այդ թվում՝ դիակի դատաբժշկական, մատնադրոշմային, հետքաբանական և այլն։ Հ. Սուքիասյանը տեղափոխվել է ոստիկանության Երևան քաղաքի վարչության ձերբակալվածների պահման վայր։

Ինչպես ավելի վաղ դեպքի վայրից հայտնել էր ֆոտոլրագրողը, երեկ՝ հունվարի 20-ին, սպանություն էր տեղի ունեցել Երևանում:

ժամը 21:40-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ էր ստացվել, որ Կենտրոն վարչական շրջանի Թումանյան 37 շենքի 8 բնակարանում տղամարդու դի կա:

Ի Օպերատիվորեն ժամանել էին ոստիկանութան Երևան քաղաքի վարչության օպերատիվ խումբը՝ վարչության պետ, ոստիկանության գնդապետ Սարգիս Մարտիրոսյանի, վարչության պետի օպերգծով տեղակալ Արտակ Պողոսյանի և քրեական հետախուզության բաժանմունքի պետ Գարիկ Ղուկասյանի գլխավորությամբ:

Ժամանել էին նաև Հայաստանի քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի մեծ թվով քննիչներ՝ բաժնի պետ Վիգեն Մեսրոպյանի, հատկապես կարևոր գործերով ավագ քննիչներ Վլադիմիր Աստարյանի, Գոռ Ավագյանի և Վարդան Բադալյանի գլխավորությամբ: Տեղում էր նաև ոստիկանության կենտրոնական բաժնի օպերատիվ խումբը՝ Կենտրոնի ոստիկանապետ Արամ Հովհաննիսյանի գլխավորությամբ:

Այս պահին ոստիկաններն ու քննիչները բաժանվել էին մի քանի խմբերի և ձեռնարկում էին անհրաժեշտ օպերատիվ-քննչական գործողություններ՝ հանցագործությունը բացահայտելու համար: Գրում է «shamshyan.com»-կայքը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները` Գագիկ Շամշյանի