ԲԱՑԱՌԻԿ ՖՈՏՈՇԱՐՔ. Ինչ էին, ինչ դարձան

Մենք ամեն օր նրանց տեսնում ենք, երբեմն հիանում նրանցով, երբեմն քննադատում նրանց, երբեմն խոսում, թե ինչքան է փոխվել նրանց արտաքին տեսքը: Հայ հայտնիներից շատերը սիրում են կտրուկ ոճային փոփոխությունների ենթարկել իրենց արտաքինը՝ վարսերի գույնն են փոխում, սանրվածքը, հագուստի ոճը, և այս ամենը հաճախ դառնում է մեր քննարկման առարկան: 

Ոճային փոփոխությունների առումով առաջին հորիզոնականը կարելի է տալ երգչուհի Սոֆի Մխեյանին, ով բավականին հաճախ է իր արտաքինը տարատեսակ փոփոխությունների ենթարկում: Նա մերթ սևահեր է, մերթ՝ շիկահեր, փոփոխությունների են ենթարկվում նաև նրա տեսահոլովակները: 

Հաղորդավարուհի Մարինա Գրեգը ևս փոփոխությունների սիրահար է, նրան նույն կերպարով հիշելը գրեթե անհնար է: Վառ կերպարների սիրահար հաղորդավարուհին այժմ արդեն ունի շեկ վարսեր: 

Հաղորդավարուհի, մոդել Աննա Գրիգորյանը վերջերս ներկայանում է համարձակ սանրվածքով: Նա շատ կարճ կտրել է վարսերը՝ հրաժարվելով նախկինում ունենած երկար մազերից: 

Երգչուհի Վարսան երբ նոր էր հայտնվել հայկական շոու բիզնեսում, ներկայանում էր ավելի սեքսուալ և համարձակ կերպարով: Վառ էր նաև նրա վարսերի գույնը: Գոռ Սուջյանի հետ ամուսնությունից հետո նա բոլորովին այլ մարդ է կարծես՝ ավելի համեստ, ավելի կանացի: Եթե համեմատեք նրա լուսանկարները, ապա կարող եք փաստել, որ նախկին Վարսայից ոչինչ չի մնացել: 

Բոլորն էլ հիշում են երգչուհի Սիլվա Հակոբյանի կյանքի այն փուլը, երբ նա երգում էր «Գիշեր է» և այս ոճի մելամաղձոտ երգեր: Այդ փուլում երգչուհին ավելի բնական տեսք ուներ, առանց վառ շպարի էր, վարսերի բնական գույնով: Հիմա Սիլվան ներկայանում է ավելի ընդգծված բեմական կերպարով, բայց այն երգչուհիներից է, ով չափը չի անցնում: 

Երգչուհի Լիլիթ Հովհաննիսյանն իր բոլոր տեսահոլովակներում հանդես է գալիս բացարձակապես տարբեր կերպարներով: Անընդհատ փոխվում է նրա վարսերի գույնը, երբեք չի կրկնվում սանրվածքը: Հաճախ այնպիսի տպավորություն է, որ նա չի կարողանում գտնել իր հիմնական ոճը:

Ոմանք հիշվում են իրենց երգերով, դերասանական խաղով, ոմանք էլ՝ արտաքին տվյալներով, իսկ մասնավորապես՝ դրանց փոփոխությամբ: Կան հայտնիներ էլ, ովքեր չեն սիրում փոփոխվել, բայց դա լրիվ այլ թեմա է... 

Հռիփսիմե Հակոբյան

Երգչուհի Հռիփսիմե Հակոբյանը երբ նոր էր սկսում երգչուհու կարիերան, ավելի բնական տեսք ուներ, սևահեր էր և այդքան չէր շպարվում, ինչպես հիմա: Նրա երգերը և տեսահոլովակները շատ ավելի լավն էին, քան հիմա: Նրա արտաքին տեսքի էվոլուցիան բավականին ակնհայտ է, ոմանք սիրում էին նրա նախկին տեսքը, մյուսները գուցե հավանում են այն, ինչ հիմա են տեսնում:

Ֆելիքս Խաչատրյան

Շատերդ կհիշեք հեռուստահաղորդավար Ֆելիքս Խաչատրյանին այն փուլում, երբ նա Հանրային հեռուստաընկերությամբ վարում էր «Օտար Խաղեր» նախագիծը: Նա բավականին կոկիկ տեսք ուներ և գրեթե միշտ սափրված էր: Ինչ է փոխվել հիմա, երբ նա դադարեցրել է հեռուստահաղորդավարի իր կարիերան և զբաղվում է ռեփերի գործունեությամբ. նա գիրացել է, և նրան գրեթե միշտ կարելի է տեսնել չսափրված:

Լուիզա Ներսիսյան

Դերասանուհի Լուիզա Ներսիսյանին շատերը հիշում են «Պահմտոցի» նախագծից, նա ոչնչով աչքի չընկնող արտաքինով աղջիկ էր, ում մասին երևի շատերը չէին էլ իմանա, եթե չամուսնանար Հրանտ Թոխատյանի հետ: Հիմա Լուիզան հաջողակ դերասանուհի է, ով նկարահանվում է շատ գեղարվեստական ֆիլմերում: 

Ինգրիդ Կոկչյան

Աննա Կոկչյանը, իսկ հիմա՝ Ինգրիդ Կոկչյանը, ժամանակին հայտնի դարձավ «Կատվի դրախտը» հաղորդումից: Աննան այն համարձակներից էր, որ այդ ժամանակ հանձն առավ սեքսի մասին հաղորդում վարել, ինչը գուցե պատճառ հանդիսացավ, որ նրան բոլորը հիշեին, չնայած բավական գրավիչ էր նաև նրա արտաքինը տեսքը: Հիմա նա ավելի համեստ և կանացի կերպարում է ներկայանում:

Լիլի Հովեր

Հեռուստահաղորդավարուհի և ռադիոհաղորդավարուհի Լիլի Հովերից մենք ամեն անգամ սովոր ենք լսել եղանակի տեսության կանխատեսումները: Այս շիկահեր գեղեցկուհին ժամանակին սևահեր էր և ոչինչ չասող արտաքինով: 

Հեղինակ ՝ SKANDALIST