Բագրատյանն անհանգիստ է, ու հնազանդ .VIDEO

«Ծառուկյան» դաշինքով պատգամավոր ընտրված Վայոց ձորի նախկին մարզպետ Սերգեյ Բագրատյանը,  դեռեւս մայիսի 3-ին, Կենտրոնական ընտրական հանձնաժողովում լրագրողների հետ ունեցած ճեպազրույցի ժամանակ ասել էր, որ որ չի պատրաստվում վայր դնել պատգամավորական մանդատը:
Հիշեցնենք, որ նույն Բագրատյանը, դաշինքի այն 11 պատգամավորներից մեկն էր, ով դիմում էր ներկայացրել ԿԸՀ՝ պահանջելով չեղյալ համարել իր նախկին դիմումը, եթե այն գոյություն ունի, ու հայտնել էր, որ վայր չի դնում իր մանդատը:
Ավելին, Բագրատյանն այդ օրը հստակ ակնարկել էր, որ դաշինքի կողմից ԿԸՀ ներկայացված իրենց դիմումներում բառացի գրված չէ, որ իրենք հրաժարվում են մանդատից:
«Այդ դիմումով այսօր գործառույթ հնարավոր չէր իրականացնել, քանի որ այդ դիմումը գործում էր մինչև ընտրության օրը: Այսինքն՝ դու պատգմավորության ցուցակից ես ինքնաբացարկ հայտնում, բայց ընտրությունից հետո դու այլ կարգավիճակ ունես, դու այլևս պատգամավոր ես: Մենք չենք իմացել, մամուլից ենք իմացել, որ ԿԸՀ է ներկայացվել ուժը կորցրած դիմում: Մեր հետ չեն խոսել ներկայացնելուց, դա մեզ իրավունք է տվել, որ մենք էլ իրենց հետ չխոսենք դիմում ներայացնելիս»,- ասել էր Սերգեյ Բագրատյանը: Ավելին, Բագրատյանը այդ օրը պնդել էր, որ ատամներով պահելու է իր ստացած քվեն:

Եւ ահա ընդամենը երեկ, «Կանյաչնիում» տեղի ունեցած հայտնի հանդիպման ժամանակ, «Ծառուկյան դաշինքի» կարկառուն ներկայացուցիչ Սերգեյ Բագրատյանը, բավականին մեղմիկ ու քնքուշ տոնայնությամբ հայտարարեց, որ ինքը զինվոր է, եւ որ ինչ որոշում էլ կայացնի Ծառուկյանը, Բագրատյանի  համար ընդունելի կլինի: Կարճ ասած՝Բագրատյանի համար կարեւորը թագավոր ախպոր որոշումն է...

Այսօր, Fnews.am-ը փորձեց օրեր առաջ «ապստամբած» Բագրատյանից պարզել, թե ի վերջո, ի՞նչու էր նա որոշել հլու-հնազանդ մարտիկ դառնալ, եւ  այլեւս չըմբոստանալ, սակայն Բագրատյանը հրաժարվեց այլ մանրամասներ ներկայացնելուց, փոխարենը ասաց, որ սպասում է Ծառուկյանի որոշմանը:

Այլ մանրամասներ՝տեսանյութում: