Բաքու-2015. մրցասպարեզն այսօր հայ բռնցքամարտիկներինն է

Հայաստանի մարզական պատվիրակության մի մասն արդեն ավարտել է Բաքվում ընթացող Եվրոպական խաղերում իր մրցելույթները: Խոսքը թաեքվանդոյիստ Արման Երեմյանի ու ազատոճային, ինչպես նաեւ հունահռոմեական ոճի ըմբշամարտի 10-հոգանոց թիմիմեա մասին է:

Հիշեցնենք, որ Խաղերի 1 շաբաթվա ընթացքում մեր մարզիկներից միայն հունահռոմեական ոճի ըմբիշ, 66կգ քաշային Միհրան Հարությունյանն է մեդալ նվաճել՝ միայն եզրափակչում, բավական վիճահարույց մրցավարությամբ պարտվելով մրցակից ռուս ըմբիշին:

Եվս 4 մարզիկ պայքարել են 3րդ տեղի համար՝ 59կգ քաշային ըմբիշ Ռոման Ամոյանը, 85կգ քաշային Մաքսիմ Մանուկյանը, 125կգ քաշային Լեւան Բերիանիձեն ու վերջապես թաեքվանդոյիստ, 80կգ քաշային Արման Երեմյանը: Նրանք բոլորն էլ անհաջողության են մատնվել:

Այսօր պայքարը կշարունակեն մեր բռնցքամարտիկները: Նշենք, որ երեկ իր մեկնարկային մրցամարտում պարտվեց Նիկոլ Հարությունովը:

Այսօր Բաքվի ռինգ դուրս կգան 56կգ քաշային Արամ Ավագյանն ու 49կգ քաշային Արտյոմ Ալեքսանյանը: Արամի մրցակիցը 1/8 եզրափակչում Ստեֆան Իվանովն է Բուլղարիայից, իսկ Արտյոմը կմրցի Իսրայելը ներկայացնող Դավիդ Ալավերդյանի հետ: