4 Մայիս, 2015

«Բախտաբերի» աստղերը իսկական տոն նվիրեցին հրատապ բուժման կարիք ունեցող փոքրիկներին PHOTO

ESem.am-ը գրում է .

Այս տոնական օրը կրկնապատիկ տոնական դարձավ մի ընտանիքի համար, որի մասին արդենպատմել ենք: «Բախտաբեր» հեռուստասերիալի գլխավոր դերասաններ Սարգիս Գրիգորյանը, Էթերի Ոսկանյանը, Անի Խաչիկյանը, Նոնա Սարգսյանը, Սարգիս Թաշչյանը և ռեժիսորի օգնական Նառա Կարապետյանը հյուրընկալվել էին առողջական լուրջ խնդիրներ ունեցող քույր և եղբայր Վարդանյաններին: Այցն այնքան մեծ անակնկալ էր երեխաների համար, որ երջանկությունից արտասվել են: Երբ զրուցում էինք նրանց մայրիկի` Լալայի հետ, նա նույնպես հուզված էր:

«էրեխեքը երկնքում են, էս մայիսի 1-ն ամբողջ կյանքում կհիշեն»,- ասաց նա:

Հայտնի դերասանները, տեղեկանալով մեր նախաձեռնության մասին, որ դրամահավաք է անցկացվում երեխաների բուժումը Գերմանիայում իրականացնելու համար, իրենց նախաձեռնությամբ հյուրընկալվել են երեխաներին և մայիսիմեկյան տոն նվիրել:

Փոքրիկ Աննան պատմում է, որ դերասան Սարգիս Գրիգորյանն անընդհատ հումորներ է արել, փորձել շարունակ ժպիտ պարգևել: Էթերի Ոսկանյանը խոստացել է, որ մի օր, երբ նկարահանման չլինի, երեխաներին կտանի զբոսանքի: Անին երեխեքին փոձել է ոգեշնչել, անգամ հեռախոսահամարն է վերցրել մշտապես կապի մեջ լինելու համար: Աննան նաև խոստովանեց, որ Նոնային՝ ֆիլմում Աննային մարմնավորող հերոսուհուն, մինչ այս չի համակրել, բայց երբ անձամբ ծանոթացել, շփվել է, հասկացել է, թե որքան լավ և անմիջական մարդ է ու այժմ նաև նրան է շատ սիրում:

Աննան դերասանուհիների հետ թևնոց է գործել, Սարգիս Թաշչյանն էլ հարցրել է, թե ինչու Հայաստանի դրոշը չի գործում, ինչի ի պատասխան փոքրիկ Աննան խոստովանել է, որ Հայաստանի դրոշի գույների թելեր չունի: Սարգիսն էլ խոստացել է առաջիկայում փոքրիկին նվիրել այդ գույնի թելեր, որպեսզի կարողանա գործել:

Այցի նպատակն էր նաև երեխաների խնդիրների վրա հանրության ուշադրությունը սևեռել: Նրանք նույնպես կոչ են անում անտարբեր չլինել և երեխաներին օգնության ձեռք մեկնել:

Հրատապ բուժման կարիք ունեցող փոքրիկներին օգնելու համար հնարավոր է բանկային փոխանցում կատարել հետևյալ հաշվեհամարներով

ԱԳԲԱ բանկ Հ/Հ

220531630139002 EUR

220531630402001 USD

220531631798000 AMD

Նրանց ծնողների հետ կարող եք կապ հաստատել նաև հետևյալ հեռախոսահամարով՝ 098. 49.32.80