Բախտագուշակ չէինք հրավիրելու`պեղելու Ասրյանի մտքի գոհարները

Այսօր ՀՀ Սպորտի եւ երիտասարդության հարցերի փոխնախարար Խաչիկ Ասրյանը Fnews.am էլ օրաթերթում տեղ գտած ֆեյսբուքյան մի գրառման հետ կապված հանդես էր եկել հերքման արարողությամբ, ուր Ասրյանը բացել էր փակագծերն այն առթիվ, թե ինչու էր զանգահարել Fnews.am Էլ օրաթերթի խմբագրություն եւ ինչ մտքով էր նա հաթաթաներ տվել Fnews.am-ի խմբագրությանը:
Ասրյանի բացառիկ մեկնաբանություններից մեկը, որը ներկայացվել էր կայքերից մեկում ներկայացնում ենք ստորեւ.
«Առավոտյան ընթերցելով Fnews.am և Asekos.am կայքերում տեղադրված անձամբ իմ և «Հայոց Արծիվների» մասին պատվիրված, լկտի, կեղծ սուտ պարունակող հոդվածը՝ ես զանգեցի Fnews.am կայքի խմբագիր Գայանե Զարգարյանին, ում հետ վաղուց ջերմ հարաբերություններ ունենք և ասացի, թե Գայանե ջան այս ինչ պատվիրված հոդված եք դրել, եթե ուզում եք թշնամություն անել ինձ հետ, խնդիր չկա, մարտահրավերն ընդունված է, մենք կհանդիպենք այլ հարթությունում, ցտեսություն, ու անջատեցի: Այլ հարթությունում ասելով՝ նկատի ունեի դատարաում՝ պաշտպանելով անձամբ իմ և «Հայոց Արծիվների» արժանապատվությունն ու բարի համբավաը: Շատ լավ գիտեի, որ նշածս խմբագիրը ձայնագրում է իմ խոսակցությունը և րոպեներ անց, այդ կայքը հոդված է հրապարակում, իբր ես զանգել եմ իրենց խմբագրություն, սպառնացել,կեղտոտ խոսքեր պարունակող փոքրիկ հոդված էր: Ուզում եմ բացառապես հերքել այդ կայքի կողմից Շտապ հաղորդագրությունն իմ մասին: Այնտեղ նշվում է, որ իրավապահների ուշադրությունն է ուղղում մեր խոսակցությանը, հիմա ես՝ օգտվելով առիթից, ուզում եմ խնդրել իրավապահներին, որպեսզի լսեն այդ ձայնագրությունը և համոզվեն իմ խոսքերի ճշմարտության մեջ: Նրանք, ովքեր խախտում են մարդու արժանապատվությունը, բարի համբավաը թող օրենքի խստությամբ պատժվեն: Ինչ վերաբերում է հոդվածին , որի պատճառով զանգել եմ նույն կայքի խմբագրին, ասեմ, որ այն շատ ծիծաղելի, հոդված էր , որն իր մեջ պարունակում է զուտ պատվեր և կարելի է վերաբերել հումորով, բայց քիչ հետո կլինի այդ թեմայով մեր հայտարարությունը»:

Ծանոթանալով Խաչիկ Ասրյանի կողմից ներկայացված բացառիկ մեկնաբանությունների շարքին եւ հաշվի առնելով այն հանգամանքը թե լիրիկական ինչ զեղումներ ու աստառներ էր տվել Ասրյանը իր զանգի, տոնի եւ հայտարարությունների հետ կապված, նրա եւ բոլոր շահագրգիռ օբյեկտների համար, կավելացնենք հետեւյալը.
Նախ եւ առաջ, որեւէ մեկը Խաչիկ Ասրյանի համար չէր պատրաստվում բախտագուշակ հրավիրելու`գուշակություններ անելու, թե ինչ ի նկատի ուներ  Ասրյանը երբ հայտարարում էր, թե Ձեզ հետ կխոսեմ ուրիշ տեղ, ուրիշ տոնով եւ որիշ ձեւով: Մենք շատ լավ տարանջատում ենք դատարան դիմելու եւ ուրիշ ձեւով խոսելու հայտարարությունները իրարից: Երկրորդ` Խաչիկ Ասրյանը, բացի հոխորտալուց որեւէ այլ գործողության չի դիմել. տառ անգամ չի արտաբերել հայտնի գրառման հետ կապված, փոխարենը հոխորտացել է, որ ուրիշ ձեւով կլուծի մեր հարցերը:
Սակայն, խմբագրությունը հիմք ընդունելով Խաչիկ Ասրյանի հայտարարությունը վերը նշված ֆեյսբուքյան գրառման հետ կապված, ներկայացրել է Ասրյանի պաշոտնական մեկնաբանությունը` միեւնույն ժամանակ հեռացնելով կայքում տեղ գտած ֆեյսբուքյան գրառումը:
Սակայն այս պատմության մեջ ամենազավեշտալին ու հետաքրքրականն այնն է, որ Խաչիկ Ասրյանը իր մեկնաբանությունների տեղատարափի մեջ անընդհատ խոսում է պատվերների ու ուղղորդված հրապարակումների մասին, ինչը մի տեսակ տպավորություն է թողնում որ նա այդ գործից լավ գլուխ է հանում…

Գուցե Ասրյանն էլ ուղղորդվա՞ծ է սկսել իր գրոհը Fnews.am էլ օրաթերթի դեմ, այլապես նա կարող էր ադեկվատ պահվածք դրսեւորել ֆեյսբուքյան այն գրառման հետ կապված, որի շուրջ նա Զարուհի Փոստանջյանին այրելուն հավասար մի մեծ շփոթ է բարձրացրել:
Իսկ եթե իրականում Ասրյանը փորձում է ուրիշի խաղը խաղալ, ապա նրան հաջողություններ ենք մաղթում  իր բռնած գործում: 

Fnews.am