BBC-ն 1 000 աշխատատեղ կկրճատի

BBC բրիտանական մեդիահոլդինգը 1 000 մարդու կհանի աշխատանքից, հայտնում է BBC-ի ռուսական ծառայությունը: Սա՝ հեռարձակումից ստացված եկամուտների կրճատումը փոխհատուցելու համար, որի հաշվին ֆինանսավորվում է կորպորացիան:

Կորպորացիայի գլխավոր տնօրեն Թոնի Հոլլի խոսքով՝ BBC-ն հեռարձակումից ստացել է 150 մլն ֆունտով պակաս, քան նախատեսում էր: Նա դա բացատրում է նրանով, որ բրիտանացի ընտանիքները, որոնք հեռուստատեսային տուրք են վճարում, գնալով ավելի հաճախ են հրաժարվում այն վճարել, քանի որ հեռուստացույց չեն դիտում:

BBC-ի թղթակից Դևիդ Սիլիտոն պնդում է, որ 1 000 աշխատակցի կրճատումով միայն կորպորացիան մոտ 50 մլն ֆունտ կտնտեսի: Դեֆիցիտի մնացած մասի փակումը հղի է նոր կրճատումներով: