ԲՀԿ պատգամավորի որդու կալանքի ժամկետը կերկարացվի՞.

«Հայկական Ժամանակ»-ը գրում է, որ նախաքննական մարմինը միջնորդություն է ներկայացրել դատարան՝ ԲՀԿ խմբակցության պատգամավոր Ռուստամ Գասպարյանի որդու՝ 22-ամյա Ռոման Գասպարյանի կալանքի ժամկետը ևս երկու ամսով երկարացնելու վերաբերյալ:

Այս ամասին լրատվամիջոցի հետ զրույցում ասել է Գուրգեն Գրիգորյանը:

Միջնորդությունը դատարանը կքննի մոտակա օրերին:

Պաշտպանը թերթի հետ զրույցում նաև ասել է, որ Ռ.Գասպարյանն այս ընթացքում 2-3 անգամ հարցաքննվել է:

Միաժամանակ թերթը հիշեցնում է, որ պատգամավորի որդին կալանավորվել է սեպտեմբերի 16-ին, իսկ կալանքի ժամկետը լրանում է նոյեմբերի 16-ին:

Ռ.Գասպարյանը մեղադրվում է մի խումբ անձանց հետ մարդ առևանգելու մեջ:

Հոդվածն ամբողջությամբ կարող եք կարդալ «Հայկական Ժամանակ» օրաթերթի` 07.11.2014թ. համարում: