ԲՀԿ-ական Շիշ Մելոյի եղբորորդին հայհոյել և ծեծի է ենթարկել ոստիկանին և նրա կնոջը

«Ժողովուրդ» թերթը գրել էր, որ 2014թ. փետրվարի 27-ին ԱԺ ԲՀԿ խմբակցության անդամ Մելիք Մանուկյանի (Շիշ Մելո) եղբորորդին՝ Մովսես Մանուկյանը, հայտնվել է դատարանի առաջ: Պարզվում է՝ պատգամավորի եղբորորդին հայհոյել և ծեծի է ենթարկել մի ոստիկանի և նրա կնոջը:

2013թ. օգոստոսի 23-ին՝ ժամը 00:30-ին, ԲՀԿ-ական Մելիք Մանուկյանի եղբորորդին՝ Մովսես Մանուկյանն, իր ընկերներ Սեյրան Վանեսյանի, Գարիկ Գինոսյանի հետ Աբովյան քաղաքի «Օրիգինալ» սուպերմարկետի դիմաց ալկոհոլի ազդեցության տակ, իր վարած ԲՄՎ մակնիշի 05 ՍՕ 555 համարանիշի ավտոմեքենայով վիճաբանել էր Համազասպ Լալայանի հետ և հարվածներ հասցրել Համազասպի կնոջ՝ Մարինե Ասատրյանի դեմքին:

Ինչո՞ւ է պատգամավորի եղբորորդին իր ընկերների հետ ծեծի ենթարկել Համազասպ Լալայանին և նրա կնոջը, ավելին՝ ո՞վ է Համազասպ Լալայանը:

Պարզվում է՝ ԲՀԿ-ական պատգամավոր Մելիք Մանուկյանի եղբորորդին, ով «Արծվի» ՍՊԸ-ի տնօրենն է, ծեծի է ենթարկել ՀՀ ոստիկանության Երևան քաղաքի ՊՊԾ գնդի 4-րդ հատուկ գումարտակի ավագ ոստիկանի:

Ի՞նչից է սկսվել կռիվը

Ըստ ծեծի ենթարկված Համազասպ Լալայանի ցուցմունքի՝ 2013թ. օգոստոսի 23-ին ինքը կնոջ՝ Մարինե Ասատրյանի հետ հրավիրված են եղել կնոջ ընկերուհու հարսանեկան արարողությանը, որը տեղի է ունեցել Կոտայքի մարզի Ջրվեժ գյուղի «Իգդիր» ռեստորանային համալիրում:

«Ռեստորանային համալիրից դուրս են եկել ժամը 23:30-ի սահմաններում: Հասնելով Աբովյան քաղաքի Հանրապետության փողոց, խաչմերուկը չանցած, ձախ կողմից իր ավտոմեքենային վազանց կատարող սպիտակ գույնի մի ավտոմեքենա ձայնային ազդանշան է տվել: Նա կարծել է, որ իրեն ծանոթ է, ինքն էլ այդ ավտոմեքենային է ազդանշան տվել: Նշված ավտոմեքենայի վարորդը ընթացքի ժամանակ հավասարվելով իրեն, իջեցրել է պատուհանը՝ ասելով՝ աջ հատվածում կայանի` հարցնելով, թե ինչու է ձայնային ազդանշան տալիս: Ավտոմեքենայի միջից իջել է Սեյրան Վանեսյանը և առանց իր հետ որևէ բառ փոխանակելու կամ պարզաբանում պահանջելու, սեռական բնույթի հայհոյանքներ հնչեցնելով իր հասցեին, երկու անգամ աջ ձեռքի երկաթյա կաստետով ուժեղ հարվածել է իր գլխի ձախ ականջի վերևի հատվածին»,-նշել է ավագ ոստիկանը իր ցուցմունքում:

Մանրամասները՝ թերթի այսօրվա համարում: