Բոլոր պարերը պարել էինք, մնացել էր սարի սմբուլը...

Աբսուրդի թատրոնը շարունակվում է

Այսօր ԱԺ արտահերթ նիստում Ֆինանսների փոխնախարար Վախթանգ Միրումյանը ներկայացրեց «Եկամտահարկի մասին» օրենքում փոփոխություններ կատարելու մասին նախագիծը: Ըստ այդ նախագծի՝ արտագնա աշխատանքի մեկնողները, որոնք պետք է աշխատեն շինարարական աշխատանքների վրա, պետք է պայմանագիր կնքեն ՀՀ-ում գործող որեւէ համապատասխան կազմակերպության հետ եւ հետագայում 13 տոկոս եկամտահարկը եւ 5 տոկոս շահութահարկը վճարեն ՀՀ պետբյուջե, այլ ոչ թե տվյալ երկրի բյուջե:
«Եկամտահարկի մասին» օրենքում փոփոխություններ կատարելու մասին նախագծի շուրջ էլ Fnews.am-ը փորձեց զրուցել տնտեսագետ, Աժ նախկին պատգամավոր Վարդան Բոստանջյանի հետ, ով ի սկզբանե չզարմանալով ասաց.
- Իհարկե սա եզակի դեպք չէ մեր իրականությունում: Սա անգամ տրամաբանության մեջ անհնար է տեղավորել: Ինչու պետք է աշխատեն, հետո էլ բերեն հարկ տան : Կասեմ միայն, որ երևի պետական գանձապահարանոմ փող չկա ու սա էլ նոր ձև է այն լցնելու:

-Իսկ չեք կարծում, որ այսպիսով մարդիկ կարտագաղթեն, կաշխատեն և կապրեն հայրենիքից դուրս ու անգամ չեն էլ մտածի հետ վերադառնալու մասին:
- Իհարկե, սա հենց դրա համար էլ արվում է , էլ ով կուզի նման անօրեն ձևով ապրի:

-Արդյո՞ք Հ. Աբրահամյանն ու նրա ղեկավարած Կառավարությունը չէր կարող ավելի խելոք ու հնարամիտ ուղիներ փնտրել ` բյուջեն լցնելու համար:
-Ինձ թվում է հարցի լուծման բանալին Աբրահամյանի ձեռքին չէ, այս հարցը դեռ վերջնական լուծում չի կարող ստանալ: Պետք է դեռ երկար քննարկել, հետո նոր վերջնական օրենք մշակել:
Պրն. Բոստանջյան, դուք նշեցիք, որ բանալին վարչապետ ձեռքում չէ, ուրեմն ո ՞մ 
ձեռքում է  այդ բանալին, բա էլ ի՞նչ վարչապետ, որ մի սովորական բանալի էլ չունենա...
-Գիտեք, այնպես չէ, որ մարդիկ չգիտեն ու ինձնից պետք է իմանան, թե ում ձեռքում է բանալին, դա ակնհայտ է : Իսկ իմ տեսակետ հայտնելը պարտադիր չէ: Եվ միայն վարչապետը չէ նման հարցերին լուծում տալիս:
-Եթե մեր վարչապետը նման մանր հարցերին անգամ չի կարողանում լուծում տալ, արդյոք ժամանակը չէ՞ այնպիսի վարչապետ ունենալու, ով կկարողանա սեփական բանալի ունենալ:

-Այ այս հարցում համամիտ եմ, դուք դիմեք այնտեղ, որտեղ լուծում կտան այդ հարցին և վարչապետ էլ կդառնա նա, ով կկարողանա բացել շատ կողպեքներ:

ԻՄ ԾԻԾԱՂՆ ԷԼ ԷՐ ԳԱԼԻՍ, ԲԱՅՑ ԵՍ ԶՍՊԵՑԻ ԻՆՁ 

-Ի դեպ, ՕեԿ խմբակցության ղեկավար Հեղինե Բիշարյանի համար այդ նոր նախագիծը այնքան ծիծաղել էր, որ նա հարց տալիս անգամ ծիծաղը զսպել չէր կարողանում:

- Դե անկեղծ ասած իմ ծիծաղն էլ էր գալիս էր, բայց ես զսպեցի ինձ: Ախր սա բացահայտ կողոպուտ է :

-Պրն Բոստանջյան, որպես տնտեսագետ կարող եք մատնացույց անել 3 օլիգարխի, ովքեր բառիս բուն իմաստով հարկային դաշտ են բերվել...Սկսած մեծարգո նախարարներից վերջացրած պատգամավորակն կորպուսի այն դեմքերով, որոնց մուծած հարկերի չնչին չափաբաժինը հայտնի է բոլորին: Դե մեր լոլիկագործ վարչապետին էլ չհածված: Ինչո ՞ւ պետք է օլիգարխը չվճարի, իսկ խեղճ խոպանչի հարկ տա:

- Դե անուններ չեմ տա, բայց գրեթե ոչ ոք նորմալ հարկեր չի վճարում: Իսկ օրինագիծն էլ ընդունել պետք չէ, անգամ ծիծաղելի է , ամոթ:

Աննա Առաքելյան

Fnews.am