Բրավոն գոհ է իր խաղից

«Բարսելոնայի» դարպասապահ Կլաուդիո Բրավոն խոսել է «Ռեալի» դեմ տոնած հաղթանակից (2:1):

«Մթնոլորտը հիանալի էր: Ես գոհ եմ մեր խաղից և նրանից, որ 3 միավոր վաստակեցինք, որոնք շատ կարևոր են չեմպիոնական մրցավազքում:

Ինձ կլասիկոյում ամեն ինչ դուր եկավ. նախավարժանքը, տրիբունաների խճանկարը, խաղը՝ սկզբից մինչև վերջ:

Ես գոհ եմ իմ խաղից, բայց ինչպես միշտ եմ ասում դարպասապահները դրա համար էլ պետք են: Չնայած՝ «Մանչեսթր Սիթիի» հետ խաղից հետո մենք փոքր-ինչ հոգնած էինք:

Մենք հիանալի իրավիճակում ենք գտնվում, բայց չպետք է հանգստանանք, ամենակարևոր խաղը սպասվող հանդիպումն է:

Այժմ պետք է կենտրոնանանք և ավելի քրտնաջան աշխատենք»,- ասել է Բրավոն:

sport.slaq.am