ԲՈՒԺԵՆՔ ԵՐԿՐԻ ՎԵՐՔԵՐԸ, ԶՍՊԵՔ ՁԵՐ ԵՍԱԿԵՆՏՐՈՆՈՒԹՅՈՒՆԸ, ՊԱՐՈՆԱՅՔ...

Երբ անհատը, մարդը վիրավորվում է գնդակից, ավտովթարից, հանցագործից...և այլն, վիրավոր է, նրան բուժում է բժիշկը, հասարակ տրամաբանություն է, այնպես չէ?, իսկ երբ 44 -օրյա պատերազմից հետո վիրավոր մնաց երկրի ՈԳԻՆ ու ԷՈՒԹՅՈՒՆԸ, ինչու թողեցինք ինքնաբուժման մեջ, որ ,,ՈԳՈՒ ՍՈՎԸ,, այսօր խեղդեր? մեր լուսաբացները.... Երրորդ համաշխարհային այս քաոսում Հայաստանը առաջին խոշոր հարվածը դարձյալ իր վրա վերցրեց` նատոն փորձարկում էր միջազգայնորեն չթույլատրվող իր նոր զենքերի վնասների տարածությունը, ուկրաինական
պատերազմն սկսելուց առաջ...

Մարդկային տեսակի դիմադրությունն ստուգելու համար: Նրանցից և ոչ ոք ձեռք չմեկնեց հայ ժողովրդին` մինչև Հայաստանը քամվեց կորուստների վերքերի մեջ: Արտաքին պատերազմն իր հերթին, գոնե տեսնում ես թշնամուդ, ամենացավալին ներքին աներևույթ թշնամին է, որն անվերջ աղ է լցնում երկրի կենդանության վերքերին, օգտվելով ժողովրդի ծանրության ցավի մեջ ինքնամոռաց ապրելու թուլությունից.... Երկուսն էլ անզիջում դաժան են` թե արտաքին, և թե ներքին թշնամիները` մեկը տարածք ու հարստություն է տենչում, մյուսը` իշխանություն....

Ցավոք, Հայրենիքն այդպես էլ ներկա չդարձավ շատերի հոգում և ունենք այն, ինչ ունեցանք.... Մենք մեր վիճակը հասկանալու միթե ունակ չենք` խոշոր տերությունները գերհզորանալու խնդիր ունեն, և այսօր հրատապ է Հայաստան անկախ պետականության գիտակցության ամրագրումը մեր բոլոր բջիջներով, որպեսզի կարողանանք պաշտպանել Ազգի առողջ արմատից աճած այն դալար շիվը, որը կոչվում է Նոր ՀԱՅԱՍՏԱՆ: Գյուղ կանգնի` գերան կկոտրի, կրկնում եմ, մենք կարող ենք մեր երկիրը ցանկացած ծանր իրավիճակից դուրս բերել, մենք կարող ենք, եթե ազգովի կամենանք....

ԳՐՈՂ, ՀՐԱՊԱՐԱԿԱԽՈՍ 

ՌՈՒԶԱՆԱ ԱՍԱՏՐՅԱՆ