Բուռնաշը այդ մասին առաջին անգամ է լսում...

ԱԺ ՀՀԿ խմբակցության պատգամավոր, «Հրազդան» տոնավաճառի սեփականատեր Աշոտ Աղաբաբյանը`Բուռնաշը, առաջին անգամ է լսում, որ ինչ-որ մարդիկ փորձում են ստահոդ լուրեր տարածել, թե իբր «Հրազդան» տոնավաճառը այլեւս չի գործում.«Ձեզանից եմ առաջին անգամ լսում, ինձ բան չեն, ասել, էսօր ա՞ եղել դա»,-Fnews.am-ի թղթակցի հետ զրույցում ասաց պատգամավորը:
- Ամեն դեպքում, ըստ Ձեզ, ո՞վ կարող է նման լուրեր տարածել:
-Ես հիմա անուններ չեմ տա, ինձ անկեղծ ասած քիչ է հետաքրքրում, թե ով ինչ լուրեր կտարածի, բայց դե ժողովուրդը շատ լավ գիտի` ով ինչ ա անում:
- Հայտնի է, որ (Դուք եւս դրա մասին բարձրաձայնել եք),  Գագիկ Ծառուկյանին պատկանող նորաբաց «Առինջ մոլը» բավական մեծ վնաս է հասցրել «Հրազդան» տոնավաճառին, փաստորեն այդ վնասը մինչ օրս շարունակվո՞ւմ է հասցվել Ձեր տոնավաճառին:
-Որ վնաս է հասցրել այդպես է, բայց ես մի բան կասեմ, ինչքան էլ Առինջ մոլեր բացվեն` հնարավոր չի լինի ստադիոնի տոնավաճառը փակել, որովհետեւ ստադիոնի տոնավաճառը խնդիր է լուծոմ, իսկ մնացած տոնավաճառները ինչ ուզում են թող անեն: Նորից եմ կրկնում «Հրազդան» տոնավաճառը կա ու կլինի հանրապետության թիվ մեկ տոնավաճառը:

Հավելենք, որ պատգամավորը չցանկացավ խոսել «Ինգո Արմենիայի» հետ կապված դատական գործից:

Տաթեւիկ Աբրահամյան