Բյուջեն բոյախանի կարաս չէ, որ անհատակ լինի. ԱՀ ԱԺ պատգամավորի գրառումը

ԱՀ ԱԺ ԱՆԿԱԽ ՊԱՏԳԱՄԱՎՈՐ ԿԱՐԵՆ ՀՈՎՀԱՆՆԻՍՅԱՆԸ ԳՐՈՒՄ Է. 

Պատերազմը մաթեմատիկա կըսիրե, դիվանագիտությունը մաթեմատիկա կըսիրե, տնտեսությունը մաթեմատիկա կըսիրե։ 
Ինչ եմ ուզում ասել, եթե այս գոյապայքարում ուզում ենք հաղթել, ապա պիտի ռեսուրսների տիրապետենք, այսինքն կարճ ասած փողի, որ բանակը լավը լինի, դիվանագիտությունը և ուղեկցող տեղեկատվական ֆոնը լավը լինի, որ տնտեսությունը մրցունակ լինի։
Իսկ ինչ ենք տեսել մենք, խոսքը վերաբերվում է մի փոքրիկ մասշտաբի , որը անհրաժեշտության դեպքում կարող եք մեծացնել ու տարածել ողջ երկրի վրա։ Իսկ մենք տեսել ենք թալան ու հիմա պաշտոնապես դիմում եմ ԱՀ դատախազությանը որ վարույթ սկսի ինչպես պատերազմից հետո կորցրած գույքին տրվող փոխհատուցումների գործընթացում խայտառակ իրողությունների մասով, այնպես էլ ՀՀ կառավարության կողմից բնակարանային փոխհատուցման նպատակով տրվող «սերտիֆիկատների» գործընթացում ցուցակներում ընդգրկված «փուչիկների» վերաբերյալ։ Կարգում արված վերջին փոփոխությունները որոշակիորեն մեղմել են «լարվածությունը», սակայն աղաղակող փաստեր կան այլևս, որը հնարավոր չէ կոծկել։
Հակիրճ՝ բյուջեն բոյախանի կարաս չէ, որ անհատակ լինի, գումարած դրան էլ,  եթե ժողովրդից ակընկալում ենք պայքարի համար անհրաժեշտ դիմադրողականության ռեսուրս, ապա պիտի ապահովենք նաև սոցիալական արդարությունն և օրենքի
 գերակայությունը, ոչ թե ըստ ճաշակի կամ խմբային շահի «պադերշկա» անել։