Բզեզ-ցմփոր,ցմփոր-բզեզ...պատգամավորն ընդդեմ քաղաքապետի

Կարկառուն ՀՀԿ-ականեր` քաղաքապետ Սամվել Դարբինյան-ԱԺ պատգամավոր Սամվել ֆարմանյան  ռինգը շարունակում է նոր դրսեւորումներ ստանալ:

Հիշեցնենք,որ այսօր հրավիրված ԱԺ արտահերթ նիստի ժամանակ,  ԱԺ պատգամավոր Էդմոն Մարուքյանի հայտարարություն արեց, թե Վանաձորի քաղաքապետ Սամվել Դարբինյանը քաղաքի աղբահանման 4 մեքենաներն ապօրինաբար հանել է վաճառքի : ՀՀԿ-ական պատգամավոր Սամվել Ֆարմանյանն էլ այս առիթով ասաց, թե «ինքը` որպես իշխանության ներկայացուցիչ, ինչո՞ւ պիտի վատ զգա ինչ-որ մի ցմփոր քաղաքապետի արարքներից»: Այս առիթով մամուլում հայտնվեց նաև Սամվել Դարբինյանը պատասխանը. «Ծաղկափոշու մեջ քնած բզեզները իրական որոշումներ չեն կարող կայացնել» :

Պարզելու համար, թե ինչու են ՀՀԿ-ական պարոնայք անցել նման որակավորումների ու  բառաֆոնդի, Fnews.am-ի թղթակիցը կապ հաստատեց, օրվա հերոսների հետ:

Վանաձորի քաղաքապետ Սամվել Դարբինյան

-Պրն Դարբինյան Դուք Պրն. Ֆարմանյանին << բզեզ>> . իսկ նա Ձեզ ` << ցմփոր>> անվանեց. Ու՞ ր կհասնի այս հակամարտությունը:
-Թող ցանկացած մարդ խոսի իր մակարդակի և իմացության չափով: Զարմանում եմ, այդ ինչպես է , որ լրագրողները հեշտությամբ գտնում են համարս, զանգում հարցնում ` ոնց է , ինչ է, իսկ Ազգային Ժողովում նման կեղծ տեղեկատվությունից հետո ոչ մեկ չզանգեց հարցնի Սամվել նման բան կա՞, թե՞ ոչ, կամ ո՞ր իրավունքով ես նման բան անում:

-Իսկ ինչպես կմեկնաբանեք պտտվող լուրերը :
-Պատգամավորը պարտավոր է իմանալ, որ քաղաքապետինը չէ այդ գույքը, որ վաճառի, գույքի տերը ավագանին է , ես չեմ: Համ էլ ի՞նչ վաճառելու մասին է խոսքը, մեքենաների հարցը դեռ քննարկման փուլում է : Կոնկրետ վճիռ դեռ չկա: Նրանք անգամ ծանոթ չեն իմ վարած տնտեսությանը:

-Իսկ ինչպիսի գնահատական կտաք Ձեր վարած տնտեսությանը:

-Իհարկե դրական: Այդ մեքենաները գնվել են 2000 թվականին, 15 տարվա մեքենաներ են, հիմա վերանորոգելու համար ամեն մեքենային 3 մլն. Դրամ է պետք, ի՞նչ եք կարծում ավելի լավ չէ վաճառել, նորը գնել, որ քաղաքը բարեկարգվի նորմալ, առանց խափանումների:

-Պրն Դարբինյան մամուլում լուրեր են պտտվում այն մասին, որ Դուք նեղացել եք Հովիկ Աբրահամյանից, և…

Եվ լրագրողի հարցը կիսատ մնաց, քանի որ Վանաձորի քաղաքապետը անջատեց հեռախոսը, սակայն մի փոքր մտածելուց հետո անձամբ հետ զանգահարեց և ինքնակամ ցանկացավ պատասխանել հարցին` պատճառաբանելով, որ այդ պահին կարևոր զանգ ուներ:

-Նորից տվեք Ձեր հարցը:

Պրն. Դարբինյան լուրեր են պտտվում այն մասին, որ Դուք խիստ նեղացել եք Հ. Աբրահամյանից, քանի որ նա Ձեզ բարձր պաշտոն էր խոստացել, իսկ դուք էլ...

-Նման բան չկա, քաղաքապետն ինչ իրավունք ունի նեղանա վարչապետից:

-Իսկ ինչ հարաբերությունների մեջ եք Հ. Աբրահամյանի հետ:
-Շատ նորմալ, ինչպես բոլոր քաղաքապետները վարչապետի հետ:

Fnews.am-ը , բզեզ-ցմփոր հայտնի հակամարտության շուրջ  զրուցեց նաև Սամվել Ֆարմանյանի հետ, ով հարցին, թե ինչո՞ւ է վիրավորել Վանաձորի քաղաքապետ Սամվել Դարբինյանին, միանգամից պատասխանեց. << Այդ ո՞վ է, ես նման մարդու չեմ ճանաչում >> :

Աննա Առաքելյան

Հ.Գ 

Բզեզ-ցմփոր, ցմփոր-բզեզ, բզեզ, ցմփոր-ցմփոր.....