Ծանրամարտի աշխարհի առաջնությանը Հայաստանը ներկայացված է 14 ծանրորդներով

Երեկ՝ հոկտեմբերի 22-ին 14 մարզիկներից կազմված Հայաստանի ծանրամարտի հավաքականը մեկնել է Ալմա-Աթա մասնկցելու աշխարհի առաջնությանը:

Հարկ է նշել, որ այդ առաջնությունն օլիմպիական վարկանշային է: Ղազախստանում մրցահարթակ են դուրս գալու 75 երկրների 683 մարզիկներ:

Աշխարհի առաջնությանը մասնակցող Հայաստանի ծանրամարտի հավաքականը կազմված է 8 մարզիկներից եւ 6 մարզուհիներից.

Տղաներ՝ Սմբատ Մարգարյան (56 կգ), Վանիկ Ավետիսյան (67 կգ), Հակոբ Մկրտչյան, Արա Խաչատրյան (երկուսն էլ՝ 77 կգ), Աղասի Աղասյան (85 կգ), Սիմոն Մարտիրոսյան (105 կգ), Հայկ Հակոբյան, Ռուբեն Ալեքսանյան (+ 105 կգ):

Աղջիկներ՝ Էլեն Գրիգորյան (48 կգ), Աննա Գովելյան (53 կգ), Իզաբելլա Յայլյան, Քրիստինե Պետրոսյան (63 կգ), Մելինե Դալուզյան (69 կգ), Հռիփսիմե Խուրշուդյան (+ 75 կգ):

Նշենք, որ աշխարհի առաջնությունը կայանալու է նոյեմբերի 4-ից 16-ը: