Ծառուկյանն իր ապարանքում թագավոր, իսկ դրսո՞ւմ. «Հրապարակ»

«Հրապարակ» թերթը գրում է. «Ինչպես և սպասվում էր, ԲՀԿ ղեկավարի տեսակետն այս անգամ էլ է տրամագծորեն տարբերվում կուսակիցների դիրքորոշումից: Շարքային ԲՀԿ-ականները մարզային հարթակներից իշխանափոխության խրոխտ կոչեր են անում, իսկ Գագիկ Ծառուկյանն իր շքեղ ու ապահով ապարանքում՝ «կանյաչնիում», խուսափեց պատասխանել քաղաքական հարցերի և հատկապես այն մեկին, թե պահանջելո՞ւ է Սերժ Սարգսյանի հրաժարականը: Ավելին՝ քաղաքական հարցերի տարափը ԲՀԿ-ական ղեկավարին անհանգստացրին այնքան, որ անգամ մարզական հարցերի առկայության պարագայում ազդարարեց ասուլիսի ավարտը՝ ըստ էության տապալելով ՄՕԿ նախագահ Թոմաս Բախի հետ համատեղ ասուլիսը: Տեսնելով, որ լրագրողներն անհաղորդ են իր հորդորներին, և հարցերը ոչ թե «սպորտի զարգացման, աջակցման, մասնակցության, միջոցառումների» վերաբերյալ են, այլ, ինչպես ինքն ասաց, ասուլիսը «սարքում» են «քաղաքական երեկոյի», Ծառուկյանն առաջնորդեց իր հյուրերին, որ արագ-արագ լքեն դահլիճը:

Մինչ քաղաքական հարցերով լրագրողները «կհարամեին» երեկվա միջոցառումը, Ծառուկյանն իրեն թագավոր էր զգում իր վոտչինայում, որի ամեն մետրը պաշտպանվում էր տռզած բազուկներով սափրագլուխների կողմից:

Մանրամասները՝ թերթի այսօրվա համարում