Ծառուկյանի հեռանալը բացեց քաղաքական ընդդիմադիր հատվածի շունչը․ Արմեն Աշոտյան

ՀՀԿ փոխնախագահի խոսքով, դասական քաղաքական ակտիվության պարագայում կարող են համարել, որ խնդիրը լուծել են ամբողջ քաղաքական վերնախավի համար: Այս մասին տեղկանում ենք «Ազատություն» ռադիոկայանի կայքից: Ձեզ ենք ներկայացնում Արմեն Աշոտյանի հետ հարցազրույցից մի հատված:

«Ազատություն»․ - Փետրվարի 12-ին ՀՀԿ խորհրդի նիստի ժամանակ հայտարարվեց, թե պարտավոր ենք քաղաքական դաշտը կրկին դարձնել զուտ քաղաքական գործիչների հարթակ, քաղաքականությունը մաքրել տգիտությունից և գործընթացները վերադարձնել մտավոր դաշտ: Մի գործչի մասով դա ձեզ հաջողվեց՝ ձեր մրցակից: Հիմա ժամանակը չէ՞, որ հանրապետականը հայացքը ուղղի դեպի իր իսկ շարքերը:

Արմեն Աշոտյան․ - Իրականում զարմանալի է, որ դրանից հետո հնչած հրապարակային ելույթների պարագայում՝ և Գագիկ Ծառուկյանի, և «Բարգավաճ Հայաստան»-ի այլ ներկայացուցիչների նման տեսակի գնահատականներ, ինչպիսին, որ տրվել է ՀԱԿ-ի կողմից, չեն հնչել: առաջին հայացքից տարօրինակ է թվում, որ ՀԱԿ-ը ավելի Բարգավաճ է, քան Բարգավաճը՝ ինքը, և այստեղ ակնհայտ է, որ գուցե, շատ ու շատ քաղաքական շրջանակների պլաններ ու նախագծեր են խառնվել իրար, հատկապես այն քաղաքական շրջանակների, որոնք քաղաքական, բառը կոպիտ կհնչի, բայց տեղին է, մակաբուծության տարրեր էին դրսևորում արդեն՝ կպնելով իրենցից ավելի մեծ և ուժեղ միավորների՝ դրա հաշվին գոյատևելով: Դա սիմբիոզ չէր իրականում, դա հենց այն երևույթն էր, ինչ որ ես ասացի:

Ինչ վերաբերում է մեր կուսակցության տրանսֆորմացիային, կարծում եմ, անգամ անզեն աչքով է տեսանելի, թե ինչ հսկայական ճանապարհ է անցել Հայաստանի Հանրապետական կուսակցությունը՝ ներկուսակցական բարեփոխումների, ժողովրդավարության, որոշումների կայացման գործընթացների բարելավման, շարքերի հետ աշխատանքի և այլն: Այստեղ, իհարկե, մեզ մեծապես օգնել է մեր անդամակցությունը Եվրոպայի Ժողովրդական կուսակցությանը և այդ գործընթացը շարունակվելու է: Հայաստանի Հանրապետական կուսակցությունը ինքն է նախ և առաջ շահագրգիռ, որ իր զարգացումների մեջ համապատասխանի մի կողմից քաղաքական համակարգի պահանջներին, մյուս կողմից չկորցնի իր կապը այն մարդկանց հետ, ում համար աշխատում է՝ իր քաղաքացիների հետ:

Շարունակությունը` սկզբնաղբյուրում: