Ծառուկյանի թիկնազորը խոչընդոտել է լրագրողի աշխատանքը

Այսօր առավոտյան Աբովյան քաղաքի շուկայի մի շարք առևտրականներ դուրս են եկել փողոց՝ բողոքի ակցիայի ընդդեմ Գագիկ Ծառուկյանին պատկանող նորակառույց «Առինջ մոլ» առևտրի կենտրոնի: Առռևտրականներից շատերը այն կարծիքին են, որ  մոլի բացումից հետո իրենց գործերը ձախողվել են, եւ որ շուկա մտնող գրեթե չկա: 

Բողոքի ակցիան, սակայն, իրեն սպասեցնել չի տվել: Աբովյան քաղաքում համառ լուրեր էին պտտվում այն մասին, որ ԱԺ պատգամավոր Գագիկ Ծառուկյանի թիկնազորը՝ հայտնի Էդոյի գլխավորությամբ, հավաքել է բողոքի ակցիայի հիմնական մասնակիցներին,   քաշքշելով լցրել է մեքենաներն ու տարել դեպի Առինջ գյուղ: 

Ի դեպ, բողոքի ակցիայի ժամանակ տուժել են նաև Աբովյան քաղաքի հեռուստաընկերության լրագրողները: Նրանց նույնպես  քաշքշել են, խփել տեսախցիկներին` խոչընդոտելով  լրագրողի աշխատանքը: