Ծառուկյանը Սամվել Բալասանյանին բերման էր ենթարկել ու, ի տես բոլորի, կանգնեցրել հարթակում. Հրապարակ

Գյումրու քաղաքապետ, ՀՀԿ-ԲՀԿ-ական Սամվել Բալասանյանը հոկտեմբերի 24-ին իր ներկայությամբ պատվել էր Ազատության հրապարակի հեղափոխական հարթակը: Այստեղ որեւէ արտառոց բան չկա, որ ԲՀԿ-ական գործիչը ոչ միայն մասնակցում է հանրահավաքին, այլեւ կանգնում է հարթակին, սակայն ուշագրավ է այն, որ դրանից օրեր առաջ, երբ մեկնարկել էին Եռյակի մարզային այցելությունները, Բալասանյանը փախուստի էր դիմել իր ղեկավարած քաղաքից: Իսկ երբ Գյումրիում տեղի ունեցող հանրահավաքին իր մասնակցության վերաբերյալ հարց էինք ուղղել, նրա խոսնակը մեզ փոխանցել էր Բալասանյանի բացատրությունը. «Քաղաքապետարանն ապաքաղաքական կառույց է, նման հարցերով մի՛ դիմեք քաղաքապետին, միայն քաղաքին վերաբերող հարցերով»: Հարց է ծագում՝ ի՞նչ փոխվեց ընդամենը 1-2 շաբաթվա ընթացքում: Ոմանք կարծում են, որ Ծառուկյանը նրան պարզապես բերման էր ենթարկել ու, ի տես բոլորի, կանգնեցրել հարթակում: