Ծառուկյանը զգուշացրել է խնամուն ու իր ընկերոջը

Քաղաքական դաշտում շրջանառվող լուրերի համաձայն, բոլորովին վերջերս երկարատեւ առանձնազրույց են ունեցել ԲՀԿ դեռեւս նախագահ Գագիկ Ծառուկյանը, քաղաքաշինության նախկին նախարար Վարդան Վարդանյանն ու Գագիկ Ծառուկյանի խնամի Մուրադ Գուլոյանը: Ըստ նույն լուրերի , Ծառուկյանը ե'ւ իր խնամի Գուլոյանին, ե'ւ թե իր բոլոր ժամանակների քիչ թե շատ հավատարիմ ընկեր Վարդան Վարդանյանին խորհուրդ է տվել ամեն գնով սրբագրել անցյալի բացթողումներն ու թերությունները, եւ որ ամենակարեւորն է ուշադիր լինել իրենց բիզնեսների ու բռնած գործերի մեջ, քանի որ այսուհետ որեւէ մեկի հանդեպ ներում-բեկում չի լինելու: Ավելին, ասում են Ծառուկյանը վերջիններիս հորդորել է վերանայել նաեւ հարկային դաշտում ունեցած իրենց պարտավորությունների ու գործողությունների ճշգրտությունը` հավանաբար հաշվի առնելով այն հանգամանքը, որ նախկին չաղ ու բախտավոր օրերը այսուհետ մնալու են սարերի ետեւում:
Իսկ այն, որ ցանկացած ժամանակ, թե' Մուրադ Գուլոյանի, եւ թե' Վարդան Վարդանյանի գործերը կարող են բուրդ դառնալ, որեւէ մեկի համար գաղտնիք չէ, քանի որ այս երկու վառ անհատակությունների անունները ժամանակ առ ժամանակ անցնում էին բավականին ուշագրավ ու հետաքրքիր քր. գործերի շրջանակներում, որոնց մասին էլ կխոսենք հաջորդիվ:

Սոնա  Ավագյան