«Ցավոտ լուծում է լինելու». որո՞նք են լինելու փոխզիջումները

«Ժողովուրդ» օրաթերթը գրում է. ««Ցավոտ լուծում է լինելու Արցախի հարցում: Չի կարող առանց փոխզիջումների լուծում լինել»,- օրերս հայտարարել էր Սերժ Սարգսյանը՝ ՀՀԿ քաղաքական դպրոցում խոսելով ԼՂ խնդրի մասին:

Ս. Սարգսյանը չի կոնկրետացրել՝ ի՞նչ նկատի ունի «ցավոտ լուծումներ» ասելով, որո՞նք են լինելու փոխզիջումները: Բայց դժվար չէ կռահել՝ հաշվի առնելով ԵԱՀԿ ՄԽ նախկին ու ներկա համանախագահների, նաև Հայաստանի տարբեր պաշտոնյաների, այդ թվում՝ Սերժ Սարգսյանի նախկինում հնչեցրած խոսքերը:

Մինչ այդ, սակայն, երեկ «Ժողովուրդ» օրաթերթի հետ զրույցում իշխանության մաս կազմող մեկ այլ կուսակցության՝ ԱԺ ՀՅԴ խմբակցության քարտուղար Աղվան Վարդանյանը հայտարարել է. «Ի վերջո, այո՛, ցավոտ է լինելու, դա հանրապետության նախագահի նաև պարտականությունն է այդ մասին խոսել, ասել ժողովրդին: Բայց այսօր մենք, գոնե իբրև Դաշնակցություն, չենք խոսում որևէ զիջման մասին, քանի դեռ ադրբեջանական կողմը որեւէ նախաձեռնություն, պատրաստակամություն չի հայտնել: Մենք այսօր պետք է պատրաստ լինենք ցանկացած լուծման»:

Ամբողջությամբ կարող եք կարդալ «Ժողովուրդ» օրաթերթի այսօրվա համարում։