Չար աչքից հեռու Գարիկ Սեփխանյանն ու երգչուհի Սոնա Շահգելդյանը ինչպես են դիմավորել Ամանորը

Այս տարի Երգչուհի Սոնա Շահգելդյանը Ամանորը դիմավորել է իր փոքրիկ ընտանիքի հետ միասին: Երգչուհին որդի է ունեցել, ում ամուսնու հոր պատվին Արթուր են կոչել: «Տարեվերջին ինձ Աստված մեծ նվեր տվեց, լույս աշխարհ եկավ որդիս:

2016 թվականից շատ ակնկալիքներ ունեմ, բայց ամենակարևորը ինձ համար այն է, որ ունեմ իմ ընտանիքը, երգարվեստում ունեմ մի շարք հաջողություններ, շատ բաներ այս կյանքում սուտ ու անցողիկ են. միայն իսկական սերը, հարգանքն է մնայուն, որը պետք է լինի փոխադարձ»-Fnews.am-ի հետ զրույցում անկեղծացավ Սոնան:

Խոսելով 2015 թվականի մասին երգչուհին նշեց, որ իր համար հաջողակ տարի է եղել: «Շնորհավորելով  բոլորին տոների կապակցությամբ, մաղթում անսահման սեր և հաջողություններ: 2015 թվականը  ինձ համար շատ մեծ հաջողությունների տարի էր՝ ոչ միայն նրանով, որ ունեցա նոր երգեր, համերգներ, տեսահոլովակներ.... Ուզում եմ, որ բոլորիդ կյանքում լինի այդ Աստծու կողմից շնորհված հրաշքը: Իսկ երկրպագուներիս խոստանում եմ, որ 2016 թվականը անակնկալներով լի տարի է լինելու։ Ինչպես նախորդ տարիներին, այս տարի ևս, երգչուհին նկարահանելու է մի շարք տեսահոլովաներ և ունենալու է համերգային շրջագայություններ։ «Յուրաքանչյուր տարի ինչ որ բան ձեռք եմ բերում, հույս ունեմ, որ 2016-ն էլ ձեռքբերումներով լի տարի կլինի»։

«Ֆուլ Հաուս» ժամանցային հաղորդման դերասան Գարիկ Սեփխանյանն էլ, Fnews.am-ի հետ զրուցում նշեց, որ Ամանորը համարում է ընտանեկան տոն, այդ իսկ պատճառով էլ այն դիմավորել է կնոջ և ընտանիքի մյուս անդամների հետ՝ քաղաքից դուրս: «2015 թվականն ինձ համար եղել է հետաքրքիր իրադարձություններով և աշխատանքի բերումով ծանրաբեռնված տարի: Իհարկե ողջ տարվա ընթացքում 15 օրով արձակուրդի մեկնել եմ, բայց այդ ամենը հաշվի առնելով կասեմ, որ շատ հաջող տարի է եղել»: Անցնող տարին դերասանը համարում է ձեռքբերումների տարի․ «Մեր ստեղծագործական խումբը ստեղծեց մի հեռուստանախագիծ, որը կարճ ժամանակահատվածում մեծ հաջողություն ունեցավ: Սա ինձ համար մեծ ձեռքբերում էր»։ Դերասանը 2016 թվականի հետ կապված շատ ծրագրեր ունի, որոնց մասին չցանկացավ բարձրաձայնել, որպեսզի չար աչքը չկպնի,բայց եւ նկատեց, որ  սպասելիքները մեծ են։ «Հուսով եմ, որ 2016 թվականին ճիշտ և արդյունավետ աշխատանքի արդյունքում ամեն ինչ լավ կլինի»,-ասաց Սեփխանյանը;