Ճաղերի հետևում հայտնված Պակիստանի նախկին վարչապետը հիմա էլ մեղադրվում է սպանության համար

Պակիստանի ոստիկանությունը բանտարկված նախկին վարչապետ Իմրան Խանին մեղադրել է սպանության մեջ՝ հանգստյան օրերին նրա կողմնակիցների բողոքի ցույցերի ժամանակ ոստիկանի մահվան առնչությամբ, հայտնում է Associated Press-ը՝ վկայակոչելով տեղական իշխանություններին:

Խանը, որը ճաղերի հետևում է 2023 թվականից, մեղադրվում է մարդկանց բռնության հրահրելու մեջ։

Ոստիկանությունը պնդում է, որ հետևորդներին համախմբվելու և իրեն բանտից ազատ արձակել պահանջելու կոչ արած Խանը ենթադրաբար հրահրել է իր կողմնակիցներին, ինչի հետևանքով սպանվել է ոստիկանության պա Աբդուլա Համիդը:

Ոստիկանը ծանր վիրավորվել է Իսլամաբադում խանի կողմնակիցների և ոստիկանների միջև բախումների ժամանակ և մահացել հիվանդանոցում, հայտնել է ոստիկանության խոսնակ Մուրթազա Կամարը։

Հանգստյան օրերին ազգային մայրաքաղաքում ամբողջական արգելափակում է սահմանվել, բջջային կապը անջատվել է, իսկ Իսլամաբադ տանող հիմնական ճանապարհները արգելափակվել են բեռնարկղերով՝ կանխելու համար Խանի տասնյակ հազարավոր կողմնակիցների հանրահավաքը: Ոստիկանությունը հայտնել է, որ տասնյակ ոստիկաններ նույնպես վիրավորվել են, երբ ցուցարարները սկսել են քարկոծել նրանց:

Խանը մինչ այժմ ներգրավված է եղել ավելի քան 150 գործերում և դատապարտվել է դրանցից մի քանիսի համար, ներառյալ երեք տարի, 10 տարի, 14 տարի և յոթ տարի ազատազրկում՝ ըստ Պակիստանի օրենսդրության: Խանի դատավճիռները հետագայում չեղարկվել են վերաքննիչ բողոքով, սակայն նա՝ իր դեմ այլ անավարտ գործերի պատճառով չի կարող ազատ արձակվել: