Չեմ կարծում որ գործը կհասնի բռունցքներին…

Ինչպես հայտնի է նոյեմբերի 10-ին Արարատի մարզի Արարատ քաղաքում տեղի կունենա քաղաքապետի ընտրություններ: Արարատ քաղաքի համայնքի ղեկավարի թեկնածուներն  են Հայաստանի Հանրապետական կուսակցության կողմից առաջադրված Հայկ Անուշավանի Հայկյանը  և  <<Բարգավաճ Հայաստան>> կուսակցության կողմից  առաջադրված  թեկնածու Սամվել Սուրիկի Բարսեղյանը:  Իսկ, թե ի՞նչ ակնկալիքներ ունի առաջիկա ընտրություններից ԱԺ ՀՀԿ պատագամավոր Արայիկ Գրիգորյանը  Forums.am-ը  փորձեց պարզել հենց նրանից. -Միանշանակ ընտրվելու է խելացի թեկնածուն: -Ով է, ըստ Ձեզ խելացի թեկնածուն: - Իհարկե Հայկյան  Հայկը: Ժողովրդի վերաբերմունքը եւս Հայկյանի նկատմամբ դրական է: Մեր ժողովուրդը գնահատում է խելոքին, աշխատողին: -Իսկ ո՞վ է ձեզ համար խելոքը… -Հանրապետական կուսակցությունն է նրան առաջադրել, եւս էլ աջակցում եմ նրան: -Պարոն Գրիգորյան խոսակցություններ կան, որ Ձեր նորանշանակ մարզպետ եղբոր՝ Արամայիս  Գրիգորյանի համար  սա <փորձություն> է, եւ որ   Ձեր եղբոր վիճակը նախանձելի չի լինի, եթե հանկարծ  այս ընտրություններում  Ձեր թեկնածուն  հաղթանակ չտանի: -Նախ առաջին հերթին ասեմ, որ հաջողությունը ՀՀԿ-ի կողմն է: Մենք միշտ այս քաղաքի համար արել ենք ու անելու ենք: Իսկ նորանշանակ մարզպետի համար սա փորձությունհ չի, սովորական ընտրություն է, ընտրությունը կայանալու է եւ հաղթելու է ՀՀԿ-ի   ներկայացուցիչը:  Որովհետեւ մենք կանգնած ենք ՀՀԿ-ի թեկնածուի կողքին: Ես չգիտեմ, թե դա  ով է հորինել, որ  նորանշանակ  մարզպետի  համար դա քննություն է. դա քննություն չի, մենք ունենք հզոր, փորձ ունեցող մարզպետ,ով  ամեն ինչ անելու է մեր ժողովրդի համար: -Արդեն իսկ խոսակցություններ կան, որ այս ընտրություններում հնարավոր է որ  ԲՀԿ-ական  եւ ՀՀԿ-ական  կողմերի  միջեւ  գործը  հասնի <<բռունցքների>>: Ձեր մեկնաբանությունը: -Ես շատ կիրթ եւ պարկեշտ մարդ եմ եւ չեմ կարծում, որ գործը կհասնի բռունցքների, իսկ եթե Աստված չանի` բանը հասնի  բռունցքներին, բռունցքներ  էլ  կօգտագործենք: Համենայնդեպս ես էությամբ այդպիսի մարդ չեմ, իսկ ով այդպես է ցանկանում կարող ենք բռունցք ցույց տալ:

Նոնա   ԱԴԱՄՅԱՆ