Չեմ ուզում գնդակահարեն, բայց Նիկոլը պետք Է ստիպի, սր սնան սզնիվ ճանապարհով

«Առաջին լրատվական»-ի զրուցակիցն է ԱՄՆ-ում բնակվող դերասան Լևոն Շարաֆյանը։

–Պարոն Շարաֆյան, հեղափոխություն, ըստ էության, տեղի ունեցավ նաև Սփյուռքում: Առաջին հերթին Սփյո՞ւռքը, թե՞ Հայաստանը պետք է ուժեղացնել:

-Նախկին վարչապետներն էլ էին Սփյուռքին կոչ անում գալ և ներդրումներ անել Հայաստանում, Նիկոլ Փաշինյանն էլ է կոչ անում վերադառնան և ներդրումներ անեն Հայաստանում: Ըստ Ձեզ՝ որքանո՞վ այսօր Սփյուռքը պատրաստ է գալ և ներդրումներ անել, ներգրավվել պրոցեսներին:

-Ես գիտեմ, որ Նիկոլ Փաշինյանի կոչերին ականջալուր են: Մի քանի երիտասարդ գիտեմ, որ պատրաստվում են վերադառնալ և գնալ ծառայության: Եվ դա ինձ ուրախացնում է: Մարդիկ, վերջին հաշվով, հավատացին, իսկ Աստված չանի, որ մարդը հավատքը կորցնի: Եվ Նիկոլը երեկ ասաց, որ այն օրը, երբ ինքը կկորցնի ժողովրդի վստահությունը, հաջոդ օրը հրաժարական կտա: Ու ինքը կանի, որովհետև այսօր նրան պահում է ժողովրդի վստահությունը: Ինքը ունի ծրագիր և այնքան պինդ է, որ թույլ չի տա, որ իրեն խանգարեն: Ես մի քանի ՀՀԿ-ականի ուղղակի հարգեցի, որոնք մնացին կուսակցության, և իրենք սկզբունքներին, գաղափարախոսությանը չեն դավաճանում, իսկ նրանք, ովքեր դիմում են գրում, հեռանում են, հետո կմտնեն մեկ ուրիշ կուսակցություն, ես այդպիսի մարդկանց չեմ հավատում: Ես ինչ-որ տեղ հավատում եմ, որ ՀՀԿ-ականները, ովքեր մնացել են, սպասողական վիճակում են: Եթե ընդունեցին, տեսան, որ Նիկոլը գործ է անում, անպայման կօգնեն, քանի որ, վերջին հաշվով, հայ են: Եվ ես ուզում եմ մի քիչ լավատես լինել: Ես չեմ ուզում ասել, որ բոլոր ՀՀԿ-ականները թշնամի են, թշնամի չկա, բոլորն էլ ուզում են, որ Հայաստանը լավ լինի, բայց տարբեր ճանապարհներով են գնում․ մեկը գնում է ազնիվ ճանապարհով, մյուսը՝ անազնիվ: Եվ հիմա Նիկոլը պետք է ստիպի, որ գնան ազնիվ ճանապարհով: Եվ եթե գնան ազնիվ ճանապարհով, կհայտնվեն Նիկոլի թիմում, չգնացի՞ն, ուրեմն դուրս կմնան:

-Նիկոլ Փաշինյանը բացահայտեց, թե ինչ մեխանիզմներ են գործել նախկինում, թե ինչպես են գործարարները ճամպրուկով գումարներ տարել Բաղրամյան 26: Պատասխատավության ենթարկվողներ չպետք է լինե՞ն, սա հաղորդում չէ՞ հանցագործության մասին:

-Այո՛, և Նիկոլն ասաց՝ հիմա հասել ենք նրան, որ մանր և խոշոր եղջերավոր անասունները արդեն կարող են ներմուծել առանց վարչապետի եղբորը հարցնելու: Եվ սա արդեն մեծ բան է:

Եվ ուրախ եմ, որ նշվեց, որ Մարտի մեկի ոճրագործությունը բացահայտվելու է: Ես դիմում եմ բոլոր լրագրողներին՝ հանդիպեն Նաիրի Հունանյանին և նրանից հարցազրույց վերցնեն: 19 տարի է անցել, և շատ բան կարող է պարզ դառնալ: Համ էլ կիմանանք՝ այդ տղան կա՞, թե՞ չկա, մենք էլ ենք ուզում իմանալ: Մարտի մեկը և Հոկտեմբերի 27-ը կբացահայտվեն: Տեսեք՝ հիմա Նաիրի Հունանյանը այլևս կորցնելու բան չունի, և հարցազրույցի ժամանակ շատ բան կպարզվի:

Ինչ վերաբերում է Մարտի մեկին, այստեղ բոլորի մեղքը կա, և Լևոն Տեր-Պետրոսյանի, որ ժողովրդին դուրս բերեց փողոց և հետո անտեր թողեց և փախավ: Ասում է՝ չէին ապահովում իմ անվտանգությունը: Բայց նա թողեց, լքեց ու փախավ: Եվ համար առաջին պատասխանատուն ինքն է: Նա դրեց հիմքը և՛ կոռուպցիայի, և՛ արտագաղթի, և սպիտակ արտագաղթի: Իսկ Ռոբերտ Քոչարյանը և Սերժ Սարգսյանը ուղղակի լավ աշակերտներ էին, ավելի տաղանդավոր դուրս եկան իրենց ուսուցչից: Ե՛վ կոռուպցիան, և՛ թալանը հիմք դրվեց նրա օրոք: Նա Հայաստանն ամբողջովին քանդեց, անգամ Ղարաբաղն էր ուզում տալ: Եվ եթե մի պահ մտածենք, որ նրանք արդեն անցյալում են, թող ապրեն հանգիստ, նիրհեն, ուրեմն այս հեղափոխությունը ոչ մեկին պետք չէր: Պետք է անպայման բացահայտվի՝ վերևից ներքև: Եվ թալանված գումարները պետք է վերադարձնել բյուջե, միլիարդներ են: Ես արնախում չեմ, չեմ ուզում գնդակահարեն, նստեցնեն, բայց պետք է գողացած փողը հետ բերեն բյուջե: Եվ այդ օֆշորային միլիարդները պետք է վերադարձվեն բյուջե, դա ինձնից, քեզնից, հասարակ ժողովրդի գրպանից են գողացել, թոշակառու մարդու գրպանից են գողացել, և սա ավելի վատ է, քան սովորական գրպանահատը, ավելի վատ է, սարսափելի: Գումարները պետք է վերադառնան: Մինչև վերջին կոպեկը պետք է գա և բյուջե մտնի, այլապես այս հեղափոխությունը ոչ մեկին պետք չէր:

Եվ Նիկոլը սա կանի, նա շատ համառ տղա է և վախ չունի, սկզբունքային է, և այսօր թունելի վերջում լույսը երևում է: