Չեն հանգստանում անգամ այն ժամանակ, երբ ներման իրավունքը չիրացվեց․ Զարուհի Մեջլումյան

Ցմահ դատապարտյալ Մհեր Ենոքյանի կնոջ՝ իրավապաշտպան Զարուհի Մեջլումյանի ՖԲ գրառումը․

Ինչու են ոմանք այդպես խորը ընկճախտի մեջ ընկնում, երբ Մհերը փորձում է իրացնել իր իրավունքները? Չեն հանգստանում անգամ այն ժամանակ, երբ ներման իրավունքը չիրացվեց: Ուրեմն՝ ինչ մեծ շահեր կան այստեղ կամ ինչքան շատ են վճարվում?

1. Նա տարիներով փորձում է իրացնել արդար դատաքննության իր իրավունքը, թույլ չեն տալիս, այնուամենայնիվ, համառում է, պայքարում
2. Վիճարկում է դատավճիռը, որի իրավունքը ունի միշտ, սակայն խոչընդոտում են, ինչպես կարող են
3. Անձնական կյանքի իրավունքը ամենավայրենի, անբարո ձևով ոտնահարվում է
4. Անգամ փորձել են միջամտել կրթություն ստանալու իրավունքը, այնուամենայնիվ, համառելով ու բարձր առաջադիմությամբ ավարտեց բուհը՝ դառնալով հետխորհրդային երկրներում առաջին ցմահ դատապարտյալ իրավաբանը (լրագրողները կարող են նրա առաջադիմության մասին հարցնել Մհերի ցանկացած դասախոսի)
6. Ներման իրավունքի մասին ավելի լավ է չխոսեմ, բոլորդ տեսաք 1996-ի ճնշումից մի բան էլ ավելին (այն դեպքում, երբ մյուս մեղադրյալ Արամ Հարությունյանը խնայվել է տարօրինակ կերպով)
5. Աշխատելու իրավունքը միջամտվում, ծաղրվում է, ամեն ինչ արվում է, որ որպես բանտային թղթակից նա չերկխոսի հանրության հետ
6. Ստեղծագործելու ազատության իրավունքը ծաղրի առարկա են դարձնում, հատկապես, երբ բարեգործությանն է ուղղում գրքերի վաճառքից ստացած գումարը: Այնուամենայնիվ, նա, որպես ասելիք ունեցող մարդ, արարում է:
7. Արժանապատվության հարգման իրավունքը ամենակոպիտ ձևով ոտնահարում են միայն այն բանի համար, որ պայքարում է, տարբերվում է, չի հանձնվում:

Անցնելով բանտային անմարդկային պայմանների 23 տարիների միջով՝ մեզանից շատերը, թերևս, կհանձնվեին: Իսկ եթե մեր պայքարը անսեր, փողով ստատուսչիները հերոսացում են համարում, մանիպուլյացիա, իրենց խնդիրն է: Ենթագիտակցորեն ուրեմն իրենք են համարում, որ նման պայմաններում չհանձնվելը, սովորելը, աշխատելը, պայքարելը հերոսություն է: Մեզ համար դա պարզապես իրավունքների իրացում է: Փաստորեն, մեր երկրում այսքան դժվար է իրավունքների իրացումը, երբ դու չունես ուժի իրավունք, երբ փորձում ես գործունակ դարձնել իրավունքի ուժը:

Մեր սիրուց ու պայքարից ընկճվածների համար չէ, որ այսքանը գրեցի, այլ իրավագիտակից, արդարամիտ մեր ընկերների:

Հ․ Գ․ Տեղեկացնենք, որ շաբաթ օրը՝ փետրվարի 16-ին Մաշտոցի պուրակում տեղի է ունեցել Մհեր Ենոքյանի երկու գրքերի՝ <<Զգացմունքների պետություն>> ժողովածուի և նրա ռուսերեն թարգմանությամբ Լեռ Կամսարի <<Բանտիս օրագիրը>> գրքի վաճառքը։ Միաժամանակ կատարվել է ստորագրահավաք՝ ի պաշտպանություն Մհեր Ենոքյանի դատավճռի վերանայման, արդար դատաքննության, ազատություն վերադարձնելու իրավական մեխանիզմների գործունակության ։ Արդեն ստորագրել ավելի քան 60 քաղաքացի։Երկուշաբթի և երեքշաբթի ՝ փետրվարի 18-ին և 19-ին, նույն վայրում՝ Մաշտոցի պուրակում, ժամը 17։00-19։00 դարձյալ կվաճառվեն նշված երկու գրքերը: Զ․ Մեջլումյանի տեղեկացմամբ՝ <<Բանտիս օրագիրը>> գրքի հասույթը կփոխանցվի վիրավոր զինծառայողներին: