Չստացվի, որ Սյունիքի մարզ է ժամանել «ճիշտ ու սխալ» անող՝ հերթական մի բդեշխ

Ընդամենը մեկ շաբաթ առաջ, Սյունիքի մարզպետի աթոռը հանձնվեց դեռեւս 2017 թվականի ՏԻՄ ընտրություններում «զադնի» դրած թեկնածու Կարեն Համբարձումյանին, ով կառավարության շեմքին դեռ չհասած՝ բավականին խայտառակ ու սյունեցիներին ոչ հարիր հայտարարությամբ հանդես եկավ: Նորաթուխ մարզպետը, լինելով փորձառու էներգետիկ, առաջին իսկ օրով իրեն տեղավորելով «ամենակարողի մունդիր»-ի մեջ, միանգամից հայտարարեց, որ ինքը եկել է «քոքահան» անելու կոռուպցիոն չարաշահումները.

«Եթե կլինեն կոռուպցիոն չարաշահումներ, եթե կլինեն հարցեր, որը վնասել է սյունեցուն, միանշանակ հավաստիացնում եմ ձեզ, որ իրենք օրենքի ողջ խստությամբ պատախսանատվության կենթարկվեն»,-ասաց Համբարձումյանը, ու կոչ արեց սյունեցիներին այսուհետ չունենան վախի մթնոլորտ, որովհետ ինքը պատասխանատու է բոլոր սյունեցիների համար:

Այնուհետեւ, Սյունյաց հրաշագործ մարզպետը, բարձրագոչ հայտարարեց, թե եկել է վերականգնելու սյունեցու արժանապատվությունը, եւ նույնիսկ ի լուր աշխարհի աղաղակեց, թե ով Սյունիքում վախենա՝առաջինը կարող է դիմել մարզպետին:

Բա՝իմացաք…

Ինչեւէ. ողջունելի է, որ թավշյա հեղափոխության շունչը հասել է նաեւ Կարեն Համաբարձումյանին, եւ նա միանգամից «Թուր-Կեծակի» է կտրել: Լավ է, որ նա առաջին իսկ օրով խոսում է արատավոր երեւույթները արմատախիլ անելու եւ արդարությունը վերականգնելու մասին:
Աստեղ են ասել. հասել եք՝ իջեք…Այդ հաղթանակի դափնիները, նախ թավշյա հեղափության կերտողներինն է, ու այն առաջնորդինը, ով կարողացավ անել անհնարինը…

Երկրորդ՝ պարոն գուբերնատոր, դուք բիզնես գործերում որպես փորձառու էներգետիկ, պիտի որ մինչ այս տեղեկացված լինեիք, որ Սյունիքի մարզում տրամադրությունների էներգետիկան վաղուց է փոխվել, եւ սյունեցիները դեռեւս մեկ ու կես տարի առաջ, ազատվելով նախորդների լծից ու ահաբեկման մթնոլորտից, արդեն իսկ ազատագրվել էին , եւ վայելում էին ազատության շունչը:

Սյունեցին երբեք էլ, ոչ մեկի առաջ ծնկի չի եկել, եւ չի ընկրկել, եւ սյունեցու հպարտ ու անկոտրում տեսակի մասին, մենք չէ, որ Ձեզ պիտի բացատրենք: Այնպես, որ սխալվել եք, եթե Սյունիքի մարզպետարանը շփոթել եք «թաղի բեսեդկայի» կամ «բազար բլոտ»-ի հանգրվանի հետ:

Դե իսկ սյունեցուն էլ շփոթել եք անկարող ու վախեցող տեսակի հետ, ով ինչ-որ բանից պիտի վախենա, ու շտապի Ձեզ մոտ:

Եթե դուք Ձեզ պատկերացնում եք «վախ բռնող»՝ ասեմ, որ ճիշտ ճանապարհ չեք ընտրել, առավել եւս, որ Ձեր այդ հայտարարությամբ դուք կարծես թե փորձեցիք «անցնել» սյունեցու արժանապատվության վրայով ՝մոռանալով մի պարզ ճշմարտություն, որ սյունեցին իր անկոտրում ու հաղթող տեսակի շնորհիվ , մեր օրերում պատմություն է կերտել:

Երրորդ. պարոն էներգետիկ, դուք չեք կարող հաշվի չնստել այն իրողության հետ, որ Սյունիքում հեղափոխության առաջին զարկը տրվեց մոտ տարի ու կես առաջ, երբ սյունեցին՝ի դեմս Վահե Հակոբյանի, ո'չ ասաց կոռուպցիային, ամենաթողությանը, բեսպրեդելին ու անպատժելիությանը:Եւ ասենք, որ մինչ ձեր «ափալ-թափալ» ժամանումը Սյունիք, եւ հիմա էլ` սյունեցին ապրում է ազատության եւ անգամ ՝ խաղի հավասար պայմանների գոյության մեջ:

Այնպես, որ «զոն նայողի» տիրույթից տեղափոխվեք պետական ապարատ՝մարզպետարան եւ ստանձնեք ձեր գործառույթներն ու կոնկրետ լիազորությունները:
Ինչպես բոլորը, այնպես էլ անպարտ սյունեցին, ողջունում է նոր կառավարությանն ու թավշա հեղափոխության առաջնորդ Նիկոլ Փաշինյանին, ում հաջողեց շրջել պատմության էջը: Իսկ դուք էլ՝ Ձեր մասով, լավ կանեք ճիշտ գնահատելու թավշյա հեղափոխությանն գինն ու արժեքը՝ միեւնույն ժամանակ կասկածի տակ չդնելով սյունեցու արժանապատվությունն ու հզորությունը:

Սյունիքն ու սյունեցին՝ եղել են Հայաստանի դարպասը, եւ դա այդպես է լինելոււ բոլոր ժամանակներում: Չի կարելի հերոսական ժողովրդին կանգնել ու ասել, թե վախենալու դեպքում՝եկեք ինձ մոտ…
Դուք բոլորովին այլ առաքելությամբ եք հանգրվանել մարզպետարանում , եւ չստացվի այնպես, որ Սյունիքի մարզ է եկել հերթական մի բդեշխ, ով «ճիշտ ու սխալ» պիտի անի ՝ «հալածյալների» շրջանում:

Ի գիտություն Ձեզ, ֆեոդալական բարքերի վերջը՝ արդեն իսկ տրված է Սյունյաց մարզում, իսկ անպարտ սյունեցին «գողականի» պահերով դժվար թե Ձեզ «աբրաշչատ» լինի, քանի որ այսօր բոլորը գիտեն, թե ով է երկրում թիվ մեկ խաղի կանոն սահմանողն ու բեսպրեդելի «դեմն առնողը»:
Դուք շատ վաղուց հնարավորություն ունեիք արդարության մթնոլորտը վերականգնելու, եւ անպատժելիությունը վերացնելու համար:

Հարցրեք այդ մասին Ձեր հայրիկին՝ Հովհաննես Համբարձումյանին, ով ընտրություններ կազմակերպելու մեծ տաղանդ եւ փորձ ունի:

Երբ 2017 թ-ի ՏԻՄ ընտրություններում, նահանջ քայլ արեցիք, եւ դուրս եկաք ընտրապայքարից: Ինչու՞… Այդ ժամանակ, դուխի պակաս կա՞ր, թե՞…վախի մոմենտներ կային հաղթահարելու…

Իսկ ինչու՞ ճիշտ 2017-ին ցույց չտվեցիք Ձեր «մուսկուլները», եւ չհայտարարեցիք, որ
ՀԷԿ-ի սեփականատեր, էներգետիկ Կարեն Համաբարձումյանը եկել է վերացնելու, անպատժելության ու վախի մթնոլորտը՝Սյունյաց աշխարհում:

Դե ինչպես ասում են.բոլոր վախերը՝ թող մնան անցյալում …

Սկանդալային լուրեր

ՖԲ