Ցմահ դատապարտյալները սպառնում են կարել բերանները

Ցմահ դատապարտյալները նորից հացադուլ են անում, նրանք այդպես էլ նախագահին և արդարադատության նախարարին ուղղված նամակի պատասխանները չի բավարարել: «Նախագահականից նամակը ուղարկել են նորից նախարարություն, մի խոսքով կառուսել ենք խաղում, դե կտեսնեք, թե ինչ է նշանակում կառուսել խաղալ»,-Fnews.am-ի հետ զրույցում ասաց ցմահ դատապարտյալներից մեկը: Նա տեղեկացրեց, որ իրենց նախագահին ուղղված նամակը փոխանցել են արդարադատության նախարարությանը և հանձնարարական է տրվել, որպեսզի մեկ ամսվա ընթացքում խնդրին լուծում տան։ «Ողարկել են, բայց հարցին լուծում չեն տալիս, ստից իբր քննարկումներ են անում, բայց մենք որևէ քննարկում չենք էլ տենսում, քննարկում չկա, մենակ փափուկ բարձ են դնում: Մենք էլ էդ փափուկ բարձրեից հոգնել ենք, դրա համար էլ հացադուլ ենք անում, բայց այս անգամ նախորդների նման չի լինելու, իրոք խոստանում ենք, հիմա հացադուլ ենք անում, հետո մեր բերանները կկարենք, որ ուշքի գան ու վերջնական մեր խնդիրը լուծեն»: Հիշեցնենք, որ 50 ցմահ ազատազրկման դատապարտվածներ հոկտեմբերի 13-ից անժամկետ հացադուլ էին հայտարարել` իրենց քրեական գործերի վերանայման պահանջով: Նրանք նախագահ Սերժ Սարգսյանին ուղղված 10 կետանոց դիմում էին պատրաստել, հիմնական պահանջն այն է, որ օրենքի պայմանական վաղաժամկետ ազատման դրույթը գործի եւ իրենց վրա էլ տարածվի: