Comment.Տարոսը մյուս բոլոր «արմենմովսիսյաններին»...

Comment

Եւս մեկ անկուշտի փափախը գլխից թռավ: Իսկ առանց «փափախի» մարդիկ խոցելի են և ցանկացած պահի մեկ էլ կարող է հայտնվեն դատարանում: Ի դեպ, էներգետիկայի և բնական պաշարների նախարար Արմեն Մովսիսյանի մասին հենց այսպիսի լուրեր էլ շրջանառվում են մամուլում: Հիշում ե՞ք՝ ժամանակին Արմենի թուրն ամեն տեղ կտրում էր, մաքսայինի պետ էր, երկիրը «մաքսեց» իրենով արեց, հետո դարձավ էներգետիկայի ու բնական պաշարների նախարար ու ևս մի ոլորտի «հերն անիծեց»: Եվ այդ ամբողջ ընթացքում էլ պարապ չէր մնում, նրա անունը կապվում էր Որատանի, Նաիրիտի և Վանաձորի Քիմպրոմի հետ կապված խոշոր չափի չարաշահումների և սկանդալային գործարքների հետ: Հավանաբար բնական պաշարների գլխավոր էներգետիկը բնական պաշարների նախարարությունը շփոթել էր ուղղակի պաշարում բառի հետ ու անցել գործի:
Ուղղակի մի բան եմ ուզում ասել՝ ախր Մովսիսյանի վատ արարքների մասին նախկինում էլ գիտեին, ինչու՞ այդ ժամանակ իշխանություններն ու իրավապահները նրան ամեն կերպ պահում էին, ինչու՞ այն ժամանակ փափախը գլխից չէին թռցնում...

Ինչևէ, լավ է ուշ, քան երբեք: Կարևորը՝ որ ի վերջո Արմեն Մովսիսյանին կսկսեն «գնահատել ըստ արժանվույն»: Տարոսը մյուս բոլոր «արմենմովսիսյաններին»:

Արտյոմ  Եդիգարյան

Հ.Գ. ՀՀ բնական պաշարները քամուն տված նախկին չինովնիկի սեւ ու մութ գործերի շուրջ առավել մանրամասն կխոսենք  մեր առաջիկա հրապարակումներից մեկում: