Ցոփ ու շվայտ կյանքով ապրող իշխանական պատգամավորը գումար չունի՞ պետտուրքը վճարելու

«Իրավունքը» անդրադարձել էր շուրջ երկու տարի ընթացող եւ միայն մարտ ամսին ավարտված Երեւան քաղաքի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում` դատավոր Ա. Ստեփանյանի նախագահությամբ  «Իմ քայլը» խմբակցության պատգամավոր, լայն շրջանակներում հայտնի որպես Շիշ բռնող, խոսքի ազատության դեմ հանդես եկող ամենակարկառուն իշխանական երեսփոխան Հայկ Սարգսյանն ընդդեմ «Իրավունք Մեդիա» ՍՊԸ-ի եւ լրագրող Իլոնա Ազարյանի դեմ դատավարության մանրամասներին:

Հիշեցնենք, որ «Իրավունք Մեդիա» ՍՊԸ-ի եւ լրագրող Իլոնա Ազարյանի շահերի ներկայացուցիչն է մի շարք աղմկահարույց գործերով հայտնի փաստաբան, «Լեւ Գրուպ» փաստաբանական ընկերության հիմնադիր ԼԵՎՈՆ ԲԱՂԴԱՍԱՐՅԱՆՆ է:

Մասնավորապես դատարանը վճռել էր, մեջբերում ենք.«Հայցվոր Հայկ Զարեհի Սարգսյանից հօգուտ պատասխանող Իլոնա Ալբերտի Ազարյանի բռնագանձել 200.000 (երկու հարյուր հազար) ՀՀ դրամ, իսկ հօգուտ պատասխանող <<Իրավունք Մեդիա>> ՍՊ ընկերության՝ 48.200 (քառասունութ հազար երկու հարյուր) ՀՀ դրամ՝ որպես փաստաբանի խելամիտ վարձատրության գումար»:

Բնականաբար, դժգոհ լինելով դատական ակտից, իշխանական պատգամավորը որոշել էր Վերաքննիչ բողոք ներկայացնել: Բայց, ուշագրավը դեռ առջեւում է. պարզվում է, որ քաղաքի լավագույն փաբերում ժամանց անցկացնող, ամենաթանկարժեք մեքենանները վարող իշխանական պատգամավորը «չունի գումար» դատական  պետական տուրքը վճարելու, եւ միջնորդություն է ներկայացրել դատարանին որպեսզի պետական տուրքը տարաժամկետվի: Փաստորեն մենք էլ միամտաբար մտածել ենք, որ նման գումարը` ցոփ ու շվայտ կյանքով ապրող Հայկ Սարգսյանի համար էական գումար չի, բայց արի ու տես, որ չէ:

Ինչեւէ, դատարանը իրավամբ մերժել է միջնորդությունը եւ ժամկետ սահմանել, որպեսզի վճարվի պետական տուրքը:

Հուսանք, որ պարոն Սարգսյանը ամեն դեպքում կգտնի գումար եւ կվճարի պետտուրքը, թեկուզ հենց պարգեւավճարից:

ԻԼՈՆԱ ԱԶԱՐՅԱՆ

Iravunk.com