«Դա այն կարեւորագույն թելն է, որը հնարավորություն կտա Հայաստանին դուրս գալ տրասնպորտային շրջափակումից»

«ՌԴ-ն  ողջունում է,  որ  ՀՀում  արդեն կա քաղաքական որոշում, եւ  Հայաստանը կանդամակցի Մաքսային  Միությանը:  Սակայն,   թե՛  Ռուսաստանը,  եւ թե՛ Հայաստանը,  պետք գիտակցեն, որ  երկուստեք կունենան պարտավորություններ. կան հարցեր, որոնք ահրաժեշտ են քննարկման,  ոչ թե մեկ,  այլ մի քանի անգամ»,- Forums.am-ի հետ զրույցում անդրադառնալով Հայաստանի Մաքսային միությանը անդամագրվելու որոշմանը,  ասաց  ՌԴ դաշնային խորհրդի անդամ, Հայաստանի ազգային հերոս, Հայաստան-Ռուսաստան միջխորհրդարանական հանձնաժողովի համանախագահ Նիկոլայ Ռիժկովը: Ապա հավելեց. -Մեզ հայտնի է նաեւ, որ կան շահագրգռվածներ,  որոնք  Հայաստանին ուղղորդում են դեպի Արեւմուտք: Բայց ես մասնագետներից  հետաքրքրվել եմ, ովքեր իրենց հերթին ասում են, որ Արևմուտք կարելի է գնալ, բայց  այդ ճանապարհն անցնելը շատ դժվար է, քանի որ  արեւմուտքում կան  սահմանափակումներ, որոնք  առաջին հայացքից  տեսանելի  չեն:

_Պարոն Ռիժկով, արդեն քանի տարի է, ինչ   խոսվում է Աբխազիայի տարածքով երկաթուղային հաղորդակցության վերականգնման մասին, բայց կոնկրետ քայլ չի արվում, ինչքանո՞վ է այն իրատեսական:   -Դա մեզ համար շատ կարեւոր, առաջնային հարցերից է, եւ, դա այն կարեւորագույն թելն է, որը հնարավորություն կտա Հայաստանին դուրս գալ տրասնպորտային շրջափակումից։ Պետք է շարունակել  հարցերը լուծել,  իսկ Հայաստանի սոցիալ-տնտեսական կյանքի դժվարություններն առաջին հերթին շրջափակման հետեւանք են, իհարկե ավտոճանապարհային փոխադրումներ իրականացվում են, սակայն այստեղ էլ նույնպես խնդիրներ կան, չէի ցանկանա վատ խոսք ասել, բայց դրանք բավական մեծացնում են ապրանքների գինը: Աբխազիայի տարածքով երկաթուղային հաղորդակցության վերականգնումից հետո,  Հայաստանը  մեծ տնտեսական օգուտները կունենա, այն է,  Հայաստանը  կխնայի բեռները Աբխազիայի երկաթգծով տեղափոխելու դեպքում։ Իհարկե պետք է հաշվի առնել, որ երկաթուղային ճանապարհը վերականգնելու համար բավական  գումար է անհրաժեշտ`  կամուրջն է քանդված, բայց համոզված եմ, որ այն մի օր կյանքի կկոչվի: Եթե լինի քաղաքական որոշում` ես նույնիսկ  հաշվի չէի առնի, թե ինչ կարժենա դրա վերականգնումը, բայց ինչ էլ արժենա, միևնույն է՝ պետք է դա արվի,  իհարկե դժվար է, բայց  եւ անհարժեշտ  է:  Աբխազիայի տարածքով երկաթուղային հաղորդակցության վերականգնման համար,  ոչ միայն Ռուսաստանի և Հայաստանի համաձայնության հարցն է միայն, այլ նաև Վրաստանի, որը ՌԴ-ի հետ բարդ հարաբերություններ ունի։ -Մոտ ապագայում ՌԴ-ի կողմից նոր ներդրումներ սպասվո՞ւմ են Հարավկովկասյան երկաթուղում: - Այո, կլինեն նոր ներդրումներ, քանի որ Հարավկովկասյան երկաթուղին ըստ իս շատ լավ է աշխատում, արդարացնում է իրեն: Այս հինգ տարիների ընթացքում մենք մեծ  ներդրումներ ենք  արել երկաթուղու շահագործման համար,  բայց նոր ներդրումներ եւս կլինեն, որովհետեւ նախկին ներդրումները  լիովին ծառայել են իրենց նպատակին եւ արդարացրել իրենց: Հենց այսօր էլ  մենք առաջարկեցինք գնել եւս  երկու նոր երկաթուղի:

Զրուցեց՝ Նոնա Ադամյանը