«Դանակահարության համար մի անգամ արդեն չորս տարով նստել էր, երեւի սիրտը էլի բերդ ա ուզել»...

«Դանակահարության համար մի անգամ արդեն չորս տարով նստել էր, երեւի սիրտը էլի բերդ ա ուզել: Իսկ ավելի կոնկրետ, ամեն ինչ սկսվեց նրանից, երբ  տեսել է, որ կնոջ մեջքը բաց է, ինքն էլ իր խելքով մտածել է, որ ես եմ ասել, ավելի շուտ իմ խաթեր ա կնիկը մեջքը բաց հագնվում: Մտածել է, որ ես ու կնիկը, դե ոնց ասեմ քուրս, իբր իրար հետ ենք էլի: Ես չհասկացա է էլ, թե ոնց վարկյանների ընթացքում էդ ամեն ինչը եղավ, էրեխեքի: Որ տենաք է~, կնիկն էլ կնիկ լինի.կապիկից մի քիչ է սիրուն, երեւի մի տարի էլ չէր լողացել, որովհետեւ բաղնիք բան էլ չունեին:Կնոջ   ներկայությամբ էլ  կրակեց վրաս»,- Fnews.am-ի  հետ զրույցում անդրադառնալով օրեր առաջ Արարատի մարզի Հայանիստ գյուղում ամուսնու խանդի պատճառով տեղի ունեցած կրակոցներին ասաց տուժող ճանաչված Գ. Ս-ն: 

Հիշեցնենք, որ, հունիսի 23-ին՝ ժամը 3: 50-ին «Մասիս» բժշկական կենտրոնից ոստիկանություն ահազանգ էր ստացվել,ո ր Արարատի մարզի Հայանիստ գյուղից «Շտապ օգնության» մեքենայով վիրավորված քաղաքացու են տեղափոխել հիվանդանոց: Տուժող կրծքավանդակի շրջանում կտրող-թափանցող վերք ուներ՝ թոքի վնասումով ու ներքին արյունահոսությամբ:

Թեպետ տուժողը, գտնվելով անգիտակից վիճակում, ի վիճակի չէր եղել որևէ բան հաղորդել, ոստիկանության՝ հանցագործությունը կատարելու վերաբերյալ կասկածները կանգ առան տուժողի հարևան Արթուր Սոբչենկոյի վրա ում կացարանին կից վագոն տնակում ավելի ուշ հայտնաբերեցին արյան հետքեր և կրակված պարկուՃ:

Բերման ենթարկվածը տվել է ինքնախոստովանական ցուցմունք և պատմել, որ դեպքի օրը տուժողի հետ սեղան են նստել՝ հաց կերել, խմել, սակայն կերուխումն ընդհատվել էր, երբ «տեսա, որ կնկաս մեջքը բաց էր, կասկածեցի, որ մի բան էն չի, հետո փող տվի գնաց խանութ, կնկաս հետ կռիվ արեցի, ասեց՝ տենց բան չկա, ես էլ զենքը վերցրի, խփեցի»:

Հանցագործության գործիք «Տոզ» հրացանն առգրավվել է: