Դատախազությունը Լևոն Հայրապետյանի դեմ քրեական գործը վերադարձրել է ՌԴ Քննչական կոմիտե

Մոսկվայի դատախազությունը չի հաստատել հայ գործարար Լևոն Հայրապետյանի դեմ խարդախության մեղադրանքով քրեական գործի մեղադրական եզրակացությունը։ Այս մասին ՏԱՍՍ գործակալությանը հայտնել է նրա փաստաբան Ռուբեն Մարգարյանը:

Խարդախության գործը Հայրապետյանի դեմ հարուցվել էր նախկին սենատոր Իմեստևի մոր դիմումի համաձայն, որը մեղադրել էր գործարարին 700 հազար ԱՄՆ դոլար գողության մեջ:

«Այսօր դատախազը հայտնել է, որ Հայրապետյանի դեմ քրեական գործը վերադարձվել է Քննչական կոմիտե՝ ոչ բավարար ապացույցների առկայության պատճառով, առանց մեղադրական եզրակացության հաստատման»,-ասել է նա:

Ինչպես նշել է Մարգարյանը, պաշտպանությունը բազմիցս պնդել է տվյալ քրեական գործը կարճելու անհրաժեշտության մասին, «քանի որ գործով հավաքած ապացույցները միայն ցմահ ազատազրկված սենատոր Իգոր Իզմեստիեւի մոր ցուցմունքն է։

Փաստաբանը նշել է, որ այսօր Մոսկվայի քաղաքային դատարանում կայացել են նաև տնային կալանքի ժամկետի երկարաձգման բողոքարկման հարցով լսումները։ Դատարանը հրաժարվել է բավարարել պաշտպանող կողմի բողոքը եւ Հայրապետյանի կալանքը մինչեւ սեպտեմբերի 15-ն ուժի մեջ թողել։