Դատախազությունը քաղաքագետի վրա հարձակման փաստի վերաբերյալ

Շիրակի դատախազությունը օրենքով սահմանված կարգով տեղեկացված  է դեկտեմբերի 4-ին,  Գյումրիի կենտրոնում քաղաքագետ Գագիկ Համբարյանի նկատմամբ կատարված հարձկման փաստի վերաբերյալ: Այս մասին, Fnews.am-ի   հետ զրույցում տեղեյացրեց ՀՀ Գլխավոր դատախազության մամուլի պատասխանատու Արեւիկ Խաչատրյանը:

Հարցին, կա՞ հարուցված քրեական գործ, թե ոչ,  մամուլի պատասխանատուն այսպես պատասխանեց.

-Ոստիկանությունում այս պահի դրությամբ դեռեւս նյութեր են նախապատրաստվում: Ավելին այս պահին չենք կարող հայտնել:

Հիշեցնենք, որ դեկտեմբերի 4-ին՝ ժամը 09։30-ի սահմաններում, Գագիկ Համբարյանը Գյումրի քաղաքի Հաղթանակի պողոտայի և Մայակովսկու փողոցի հատման վայրում՝ նակին «Կանգառ» խանութի մոտ, հարձակման է ենթարկվել Շիրակի պետհամալսարանի անգլերեն լեզվի և գրականության ամբիոնի վարիչ, Սահակ Մինասյանի ֆան ակումբի կարկառուն ներկայացուցիչ Անահիտ Հովհաննիսյանի եղբոր՝ Ռաֆիկ Հովհաննիսյանի կողմից, Վերջինս, քաղաքագետին  անակնկալի բերելով այդ բանուկ վայրում գտնվող բազմաթիվ մարդկանց, այլանդակ հայհոյանքներ  է ուղղելով քաղաքագետի եւ  ընտանիքիս անդամների հասցեին, հարձակվել Գ. Համբարյանի  վրա և մարմնական վնասվածքներ պատճառել։ Կատարված  խուլիգանության և  մարմնական վնասվածքներ պատճառելու վերաբերյալ, քաղաքագետը  հայտարարություն է  տվել ոստիկանության Գյումրի քաղաքի «Կումայրի» բաժնում։

Ի դեպ, տեղի ունեցած խայտառակ միջադեպի մասին, քաղաքագետ Գագիկ Համբարյանը տեղեկացրել էր նաեւ իր ֆեյսբուքյան էջի միջոցով:

Հուսանք, իրավապահ մարմինները կձեռնարկեն անհրաժեշտ  գործողություններ՝ դեպքի բոլոր հանգամանքների բազմակողմանի, օբյեկտիվ և լրիվ հետազոտումն ապահովելու ուղղությամբ, քննության առարկա դարձնելով  միջադեպին առնչվող բոլոր մանրամասները:

Fnews.am

Լուրեր Հայաստանից եւ Աշխարհից