Դատելով այն զրպարտանքի տարափից որ տեղում է Սեյրան Օհանյանի հասցեին, գործ ունենք հստակ պատվերի հետ:

Այս օրերին սահմանին հարաբերականորեն հանգիստ է: Այդ հարաբերական հանգստության առնվազն երկու պատճառ կա՝ առաջին՝ Հայոց բանակի զսպող ակտիվությունը, ինչի հետևանքով թշնամին զգալի կորուստներ կրեց, և երկրորդ՝ Բաքվում մեկնարկելիք եվրոպական խաղերը: Ադրբեջանի իշխանություններին այդ ընթացքում լարվածություն պետք չէ: Իսկ ահա այդ խաղերից հետո՝ պետք կլինի: Ու հիմա շատ կարևոր է մեր հասարակությանը տրամադրել այդ լարվածությանը, որպեսզի, ինչպես անցյալ տարվա օգոստոսին էր կարողանանք արագ համախմբվել: Հասարակության արագ համախմբումն է եղել ու լինելու մեր բարոյահոգեբանական տոկունության, ու, ըստ այդմ նաև խաղաղության գրավականը, որովհետև հարձակվում են թույլի վրա:

Ու ի՞նչ, արդյունավե՞տ ենք օգտագործում արդյոք հարաբերական հանգստի այս ժամանակահատվածը: Ցավոք՝ ո՛չ: Ընդհակառակը, այս օրերին Սեյրան Օհանյանի և իր ընտանիքի դեմ մեդիագրոհ է սկսվել: Ընդ որում՝ դատելով այն զրպարտանքի տարափից, որ այս օրերին տեղում է նախարար Օհանյանի հասցեյին, գործ ունենք հստակ պատվերի հետ: Ուշադրության է արժանի այն, որ ո՛չ թե գործ ունենք առարկայական քննադատության, ո՛չ թե կոնկրետ պրոբլեմի, այլ բառի բուն իմաստով ընտանեկան կյաքնի վերաբերյալ բամբասանքի հետ: Սեյրան Օհանյանի տիկնոջ հասցեյին վիրավորանքները ի՞նչ քննադատություն: Ու հարց է ծագում, թե ու՞մ կարող է խանգարել Սեյրան Օհանյանի հեղինակությունը, որը ստեծվել է ո՛չ թե թանկարժեք PR - արշավի հետևանքով, այլ պաշտպանության նախարարի մարդկային որակների ու աշխատանքի շնորհիվ:

ՈՒ տվյալ դեպքում բացարձակապես կարևոր չէ այն, որ ընտանիքի անդամների մասին բամբասանքով չեզոքացնել Սեյրան Օհանյանի հանդեպ մարդկանց համակրանքը հնարավոր չէ, որովհետև այդ պատվերով հոդվածները շատ-շատերի մոտ զզվանք են առաջացնում: Ամենավտանգավորը այն է, որ սպասվելիք սահմանային լարվածության նախօրեյին մեզանում կան մարդիկ, ովքեր ցանկանում են վարկաբեկել մարդու, ում հեղինակությունը հանրության համախմբանը նպաստող գործոններից մեկն է, ու այդպես փաստորեն բարոյահոգեբանորեն թուլացնում երկիրը: Ու ո՞վ կշահի այս ամենից. բնականաբար առաջին հերթին թշնամին, որովհետև իր գործն է հեշտանում, և այստեղ՝ Հայաստանում ոմանք, ովքեր շատ նեղ անձնական հարցեր են փորձում լուծել այս մեդիագրոհի վրա ահռելի գումարներ ծախսլով: Ահա՛ այսպիսի շահերի համընկնում:

Աղբյուր` https://www.facebook.com/petros.gerpekchyan?fref=ts