Դավաջանն ինճ է օր. ըդիգ 2 րոպեում կդառնա մուսուլման. Վարդան Ղուկասյանը՝ Սամվել Բալասանյանի մասին.

«Հարթակ» թերթը զրուցել է Գյումրու նախկին քաղաքապետ Վարդան Ղուկասյանի հետ:

– Պարոն Ղուկասյան, արդիական և ամենակարևոր թեմաներից մեկն է Գյումրու քաղաքապետի երեկվա հայտարարությունը։ Նա ՕԵԿ-ական էր, հետո գնաց ԲՀԿ, իսկ հիմա այնտեղից էլ հեռացավ:

-Ճիշտն ասած, բոլոր գյումրեցիների անունից կարող եմ ասել, որ երեկվանից ամբողջ քաղաքն իրեն ամոթ վիճակում է զգում, որ նմանատիպ մարդը իրենց քաղաքապետն է: Ես, որպես, ասենք, Գյումրու քաղաքացի, ցավում եմ, որ նման մեկն է ղեկավարում Գյումրի քաղաքը, ու Ազգային ժողովում էլ եղել է փոխխոսնակ: Նա ոչ նամուս ունի, ոչ թասիբ, անողնաշար մարդու մասին է խոսքը: Քաղաքը հոգնել է իրենից: Նման մարդը երկար տարիներ Ազգային ժողովում է եղել, թույլ են տվել, որ այդքան առաջ գնա, պաշտոններ զբաղեցնի: Ժամանակին ՕԵԿ-ին դավաճանեց, հիմա էլ ԲՀԿ-ին: Ցավում եմ, որ նմանատիպ մարդիկ կան մեր երկրում:

– Դուք ասացիք, որ քաղաքը հոգնել է քաղաքապետից, հիմա ի՞նչ է ստացվում, որ նամուսի ու թասիբի քաղաք Գյումրին պետք է սպասի մինչև նրա պաշտոնավարման ժամկետը լրանա՞: Կա՞ն նրանից ազատվելու մեխանիզմներ:

– Մեխանիզմներ կան, ինչ խոսք: Նմանատիպ մարդիկ ընդհանրապես պետք է փոխեն իրենց ազգանունը: Ես հուսով եմ, որ նա կփոխի իր ազգանունը, «յան»-ն էլ կփոխի, որովհետև ես մի բան գիտեմ՝ եթե հանկարծ վաղն իրեն ասեն, որ հարստությունը ձեռքից կվերցնեն, եթե չդառնա մուսուլման, նա 2 րոպեում կդառնա մուսուլման: Ցավում եմ, որ նման մարդիկ փոխխոսնակ են դարձել, ու այսօր նման մարդիկ շատ կան վերին ատյաններում: Այ դրանցից պետք է դաշտը մաքրել, որ վիճակը լավանա:

- Առանց այդ էլ Գյումրիում շինարարություն չկա, մարդկանց մեծ մասը «դոմիկներ»-ում է ապրում, ճանապարհները վատ վիճակում են:

-Նա եթե ուզում էր մեզ հետ կապված ինչ-որ բան աներ՝ պատկերացրեք, Հայաստանի բոլոր քաղաքներում ու գյուղերում, բացի Երևանից, մասնավորն այդքան ներդրում չի կատարել, ինչքան իմ օրոք: Ասում էր՝ կան մարդիկ, ովքեր կգան և ներդրում կանեն, ցավոք սրտի՝ չեն արել: Ինչ եկել է, մինչև այսօր ընդամենը 7 շինթույլտվություն է տվել: Իսկ իմ օրոք Հայաստանի բոլոր քաղաքներում ու գյուղերում այդքան շինթույլտվություն չեն տվել, ինչքան ես եմ տվել: Տեսեք, թե ինչպես էին ներկայացնում Գյումրին, որ լույսը ներկայացվում էր որպես խավար, իսկ խավարը՝ լույս: Եվ բարոյահոգեբանական մթնոլորտը՝ ինչ եկավ, ամբողջ քաղաքը խառնվեց իրար, ինչպես Գյումրիում են ասում՝ քաղաքը քաղմասի է վերածվել:

- Այսինքն՝ թասիբով Գյումրին վերածվել է քաղմասի՞։

– Ինչ խոսք. որ մեկին բարև ես տալիս, ասում է՝ միլիցիա, էլ ի՞նչ ասես:

- Ձեր խոսքերով՝ գրկից գիրկ թռնողների՞ց է ինքը:

– Դե, գրկից գիրկ թռնողների տեղն էլ սարսափելի է: Այն բոլոր նախկինները, որ գրկից գիրկ էին թռնում, վերջում ի՞նչ ստացան:

- Այսինքն՝ հնարավոր է, որ մի օր ինքը քաղաքի՞ն էլ դավաճանի:

- Տո ոչ միայն քաղաքին, ազգանունն էլ կփոխի 2 րոպե հետո, Բալասով կգրվի, որովհետև ինքն այն կողմերից է եկել, ադրբեջանական, Բաքվի կողմերից: Իրենք գյումրեցի չեն:

- Ձեր անելիքների մասին ի՞նչ կարող եք ասել:

- Իմ անելիքները՝ ես աշխատատեղեր եմ ստեղծում, ինչ արել եմ՝ նույնն անում եմ, ինչով կարողացել եմ՝ մարդկանց օգնում եմ, իսկ որ առավոտյան տանից դուրս եմ գալիս, մտածում եմ, թե այսօր ինչ լավ բան կարող եմ անել, որ ասեն՝ «բալա ջան, քարներդ կա՝ կանաչ բուսնի, ողորմի քո ննջեցյալներին»: Իմ ապրելակերպը դա է, պաշտոն ունենամ, թե չունենամ, այդպես եղել եմ, այդպես էլ կմնամ, քաղաքս չեմ լքելու, հայրենիքս չեմ լքելու, ինչքան էլ վատ վիճակի մեջ լինի, ինչ էլ լինի: Աստված որ մեզ ստեղծել է, որ այստեղ պետք է ծնվենք, այստեղ մեծանանք, այստեղ էլ արարենք, ստեղծենք, մեր պապերին էլ պատասխան տանք: Ոչ նյութականով, ոչ պաշտոնով;

Ամբողջությամբ՝ թերթի այսօրվա համարում