Դավիթ Հարությունյանը `Կառավարության փոփոխության, եւ Հովիկ Աբրահամյանի պաշտոնանկության մասին

Այս պահին Կառավարության փոփոխության հարց ես չեմ տեսնում, եւ դրա հիմքերն էլ ըստ էության չկան, այս մասին Fnews.am-ի հետ զրույցում ասաց Կառավարության աշխատակազմի ղեկավար-նախարար Դավիթ Հարությունյանը պատասխանելով այն հարցին, թե որքանո՞վ են իրատեսական մամուլի հրապարակումները այն մասին, որ շատ շուտով ՀՀ վարչապետի եւ Կառավարության կազմի փոփոխություն է նախատեսվում:
Իսկ թե ինչպե՞ս է գնահատում Դավիթ Հարությունը Հովիկ Աբրահամայանի աշխատանքային մեկ տարին, եւ արդյո՞ք այդ ժամանակահատվածում Կառավարությունը հասցրել է իր առջեւ դրված խնդիրներից գոնե մի քանիսի դիմաց պլյուս դնել, նախարարը արձագանքեց.
-Իհարկե կառավարությունը շատ գործ է արել, բայց ես կնախըտրեի հընթացս չմատնանշել այդ մասին, այլ յուրաքանչյուր ոլորտի հետ կապված ներկայացնենք կատարված աշխատանքը:

-Պարոն Հարությունյան, ասում են վերջին ժամանկներս անկախ տարբեր տիպի ասեկոսեներից ու հրապարակ նետված խոսակցություններից, Հովիկ Աբրահամյանը այդուհանդերձ ապավինում է Ձեր օգնությանը…. Ի՞նչ կասեք դրա հետ կապված, հատկապես, որ լուրեր կան, թե վերջին ժամանակներս Ձեր եւ վարչապետ Աբրահամյանի հարաբերությունները բավականին ջերմացել են:
-Ինչ լավ է, որ վերջապես խոսվեց այն մասին, որ մեր հարաբերությունները բավականին ջերմ են:Վերջապես այդ մասին էլ կարծիքներ լսվեցին, թե չէ անընդհատ խոսում են նրա մասին, թե իբր մենք վատ հարաբերությունների մեջ ենք:

-Կարծիք կա, որ ՀՀ վարչապետ Հովիկ Աբրահամյանը առանց Ձեզ ուղղակի «կորած» է, եւ որ նա չի կարող գլուխ հանել կառավարության աշխատանքներից:
-Կներեք, բայց ես համամիտ չեմ այդ տեսակետների հետ,քանի որ Կառավարությունում յուրաքանչյուր նախարար իր գործն է անում, իսկ Հովիկ Աբրահամյանը արդյունավետ գործունեությամբ է զբաղված:
-Որտեղ է երեւում այդ արդյունավետությունը, կարող ե՞ք օրինակներով ու փաստերով խոսել:
-Ես արդեն ասացի, որ այդ ամենի մասին մենք կխոսենք ոլորտ առ ոլորտ:
-Պարոն Հարությունյան, իսկ այն կարծիքներն էլ չե՞ք կիսում, որ ՀՀ Կառավարության աշխատանքների մ ի զգալի մասը սրբագրում եք դուք:
-Ոչ, այդպիսի բան չկա, Կառավարությունը, մենք բոլորս  մեր  գործն ենք անում:

Fnews.am