Դավիթ Սանասարյանի գործով դատական նիստը՝ ուղիղ միացմամբ

Երևանի ընդհանուր իրավասության դատարանում՝ դատավոր Դավիթ Բալայանի նախագահությամբ տեղի է ունենում Դավիթ Սանասարյանի գործով դատական հերթական նիստը: Նախորդ նիստում դատարանը մերժել էր Դ. Սանասարյանի նկատմամբ քրեական հետապնդումը դադարեցնելու պաշտպանների միջնորդությունը: Մեղադրող դատախազ Գևորգ Սարգսյանը ներկայացրել էր գործով անցնողների մեղադրականները:

Հիշեցնենք, որ Դավիթ Սանասարյանին մեղադրանք է առաջադրվել, որ նա, հանդիսանալով ՀՀ պետական վերահսկողական ծառայության ղեկավար, ունենալով ծառայության անմիջական ղեկավարումն իրականացնելու, ծառայության աշխատակիցներին նշանակելու և ազատելու, կարգապահական տույժի ենթարկելու, վերահսկվող օբյեկտներում ուսումնասիրություններ իրականացնելու հանձնարարագրեր տալու, վերահսկվող օբյեկտներից ծառայության գործառույթներին առնչվող տեղեկություններ և փաստաթղթեր պահանջելու լիազորություններ, խմբային շահերից ելնելով, իր պաշտոնեական դիրքն օգտագործել է ծառայության շահերին հակառակ, չի կատարել իր ծառայողական պարտականությունները: