Դերասան Նարեկ Աղաբաբյանը բացահայտում է իր կնոջը և ներկայացնում մանրամասներ հարսանեկան երեկույթից

Դերասան Նարեկ Աղաբաբյանը լքեց ամուրիների ցուցակը: Օրերս Նորք Մարաշ վարչական շրջանի Սուրբ Աստվածածին եկեղեցում կայացավ դերասանի և իր ընտրյալի՝ Մարիամի պսակադրությունը:

Նարեկը հարսանյաց օրվա և անձնական կյանքի մանրամասները, ինչպես նաև օրվա լուսանկարները առաջինը բացառապես վստահել է՝ EXKLUSIVElife.com-ին:

-«Կինս՝ Մարիամ Հովհաննիսյանը, մասնագիտությամբ հագուստի մոդելավորող, նկարիչ է: Մեծացել է Գերմանիայում և սովորել է՝ Milanum Domus Academy di Milano հաստատությունում և ստացել՝ Master of Fashion Design մասնագիտական կոչումը: Աշխատել է աշխարհահռչակ՝ Lineapelle կազմակերպությունում, որպես կաշվե հետազոտող, նաև պատրաստել է հավաքածու Tommy Hilfiger ամերիկյան հանրահայտ բրենդի համար իր մագիստրոսի դիպլոմը պաշտպանելու համար»- մեզ հետ զրույցում ասաց Նարեկը;

Անցում կատարելով իրենց կյանքի ամենահիշարժան օրերից մեկին, Նարեկը մեզ հետ կիսվեց հարսանեկան օրվա անակնկալների մասին:

-«Եղան բազմաթիվ անակնկալներ իմ և կնոջս կողմից: Սակայն ես կառանձնացնեմ այդ օրվա ամենատարբերվողը, անակնկալը ընկերներիս կողմից էր արվել, ովքեր, ցավոք, ներկա չէին երեկոյին: Աշխարհի տարբեր անկյուններում և Հայոց բանակում գտնվող ընկերներս տեսաուղերձ էին ուղարկել, որտեղ իրենց բարեմաղթանքներն էին հղել մեզ»:

Երեկոյին ներկա են գտնվել՝ ՀՀ-ի կասկադյորների ասոցացիայի նախագահ Արմեն Պետրոսյանը, Ստանիսլավսկու անվան թատրոնի դերասան Արթուր Պետրոսյանը, արվեստաբան Վասիլ Գևորգյանը, ՀՀ վաստակավոր արտիստ Արսեն Գրիգորյանը /Մրո/, Jazz Band-ը և Արմեն Դալլաքյանը:
SHAMSHYAN.COM