Դեղին համարանիշները կփոխարինվեն ինքնակպչուն ցուցանակներով

Նոր տարում տաքսիների դեղին համարանիշները կփոխարինվեն ինքնակպչուն ցուցանակներով,որպեսզի տարբերակվեն լիցեզնավորված և ոչ լիցենզավորված մեքենաները: Թե ում օգտին կլինեն լիցենզավորման կարգում սպասվող փոփոխությունները`մասնավոր տաքսիստների թե տաքսի ծառայությունների,կտուժի այդ ամենից սպառողը թե ոչ,այս բոլոր հարցերի պատասխանները այսօր լրագրողների հետ հանդիպման ժամանակ տվեցին Հայաստանի տաքսի ծառայությունների գործատուների ճյուղային միության նախագահ Վահագն Սահակյանը և 'Քաղաքացիական դիրքորոշում' հկ նախագահ Գևորգ Դոստուրյանը.«Շուկայում ստեղծվել է տարօրինակ իրավիճակ.օրինապաշտ ընկերությունները և մասնավոր տաքսիները հայտնվել են անշահեկան վիճակում,ավելացել են մեծ քանակով նոր մեքենաներ,որոնք օրենքի դաշտում չեն,չեն մուծում հարկերը, այդ կերպ խանգարելով  օրինական ընկերությունների աշխատանքին»,-նշեց Վահագն Սահակյանը և հավելեց,որ սխալ ընդունած օրենքների պատճառով,փակվում են մեծ տաքսի ընկերությունները,ավելի ձեռնտու է լինում մասնավոր տաքսիսիտի աշխատանքը և դա վտանգ է ներկայացնում ոլորտի համար: «Այս նոր օրենքով և՛ տաքսի ընկերությունների և՛ մասնավոր տաքսիստների աշխատանքը կհեշտանա,քանի որ լիցենզավորումը շատ ավելի արագ և հեշտ կտրվի,  եթե ԱԺ այս արտահերթ նիստով օրենքը ընդունվի»,-նշեց Գևորգ  Դոստուրյանը: Այն մեքենաները,որոնք ունեն դեղին համարանիշներ, հաջորդ պետական տուրքը վճարելու ժամանակ դրանք հետ են հանձնելու: Նոր օրենքի դրական կողմերից մեկն էլ այն է,որ այդ ինքնակպչուն ցուցանակները կարող են ձեռք բերվել ցանկացած ժամանակահատվածով,վճարելով մեկ ամսվա գումար, այն ձեռք բերելով մեկ ամսվա համար. տարեկան այդ ցուցանակների գինը հարյուր քսան հազար դրամ է,սակայն դա էլ գործում է ի վնաս տաքսի ընկերությունների համար,քանի որ այստեղ վճարման մեծ տարբերություն կա: Ընկերությունները բացի ամսեկան հարկային վճարումներից,հանում են նաև եկամտային հարկի վճարները. «Մեր երկրում չկա տաքսու համար որոշված գումար,դա որոշում է տնտեսվարող սուբյեկտը,իսկ  այն տարածված հարյուր դրամի սակագինը,շուկայի թելադրանքն է,չնայած որ որոշակի “վայ տաքսիստներ” այդքան էլ հարազատ չեն մնում այդ որոշմանը և նստելավարձի հաշվին բարձրացնում են արժեքները »,-նշեց Վահագն Սահակյանը: Հյուրերը վերջին շրջանում նկատված գնի բարձրացման միտումը կապում են գազի թանկացման հետ: Անդրադառնալով տրանսպորտի գնի բարձրացման խնդրին,Վահագն Սահակյանը նշեց,որ հնաւրավոր է նաև տրանսպորի ուղեվարձի բարձրացումը բերի տրանսպորտի վերացմանը. «Եթե տաքսին գները թողի նույնը,իսկ տրանսպորտի ուղեվարձը բարձրանա,բոլորը տաքսիով կսկսեն պտտվել»: Ամփոփելով հանդիպումը,հյուրերը նշեցին,որ սպասվելիք օրենքի ընդունումը դրական կանդրադառնա ոլորտի աշխատանքների վրա: Կարինա Սահակյան