Դրսում «փռթած, թափած չի.Սամվել Ալեքսանյանի մտքի գոհարներից

Ալեքսանյանի մտքի գոհարներից...

Գործարար շրջանակներում պտտվող խոսակցությունների համաձայն, ԱԺ շաքարասեր պատգամավոր Սամվել Ալեքսանյանը վաճառքի է հանել Սեւանի ավազանին ձեռք բերած իր հողակտորների մի զգալի մասը։
Բանն այն է, որ Ալեքսանյանի սրտով չեն հարկային դաշտի կողմից թելադրվող նոր խաղի կանոնները, որի պարագայում Ալեքսանյանի կարծիքով  իրենց նման տղաները «տակ» տված են աշխատում։ Ավելին, Ալեքսանյանը, ըստ նույն լուրերի, իր մտերիմ շրջապատում սրտնեղել է, որ ինքը հիմա էլ  լուրջ վարկեր ունի «փակվելու» ու հազիվ հասցնում է այդ վարկերից գոյացած տոկոսները մարել։
Ասում են, Ալեքսանյանը այդ զրույցի շրջանակներում տեսակետ է հնչեցրել, որ ինքը միշտ ասել ա, ու էլի ասում ա, որ դրսում ճիշտ ա «փռթած, թափած չի», բայց դե ներսում էլ լավ չի, որ իրենց նման ստեղծարարներին շատ են  «նեղում» …
Ի դեպ Ալեքսանյանը, մինչ Սեւանի ավազանին հաստատվելը, հասցրել էր տարաձայնություններ ունենալ Սեւան ազգային պարկի   ՊՈԱԿ-ի տնօրեն Աշոտ Գնդոյանի հետ, ով Ալեքսանյանին հորդորել էր Սեւանի տարածքում իրեն համեստ դրսեւորել:

Արամ  Ավագյան